Master_Page-Independence_day_2015-3.jpg

دیہی ہندوستانی، آزادی کے پیدل سپاہی تھے اور برطانوی
حکومت کے خلاف اب تک کی سب سے بڑی لڑائیوں میں سے کچھ کے قائد بھی تھے۔ ان میں سے بے
شمار لوگوں نے ہندوستان کو انگریزی حکومت سے آزاد کرانے کے لیے اپنی جان تک قربان
کر دی۔ اور ان میں سے کئی، جو ان سخت مظالم کے باوجود ہندوستان کو آزاد ہوتا دیکھنے
کے لیے بچ گئے، انہیں بھی جلد ہی بھُلا دیا گیا۔ ۱۹۹۰ کی دہائی کے بعد سے، میں نے
آخری باحیات مجاہدینِ آزادی میں سے کئی کی زندگی کو ریکارڈ کیا۔ یہاں آپ کو ان میں
سے پانچ کی کہانیاں پڑھنے کو ملیں گی:

<h2><a href="https://ruralindiaonline.org/ur/articles/%D8%AC%D8%A8-%D8%B3%D8%A7%D9%84%DB%8C%DB%81%D8%A7%D9%86-%D9%86%DB%92-%D8%B1%D8%A7%D8%AC-%D8%B3%DB%92-%D9%84%D9%88%DB%81%D8%A7-%D9%84%DB%8C%D8%A7/">جب ’سالیہان‘ نے برطانوی حکومت سے لوہا لیا</a></h2>

دیمتی دیئی سبر اور
ان کی سہیلیوں نے اوڈیشہ کے نواپاڑہ میں بندوق بردار انگریز افسروں کو لاٹھیوں سے پیٹا
تھا

<h5>۱۴ اگست، ۲۰۱۵ | <a href="https://ruralindiaonline.org/authors/p-sainath">پی سائی ناتھ</a></h5>

<h2><a href="https://ruralindiaonline.org/ur/articles/%D9%BE%D9%8E%D9%86%DB%8C-%D9%85%D8%A7%D8%B1%DB%81-%DA%A9%DB%92-%D8%A2%D8%B2%D8%A7%D8%AF%DB%8C-%DA%A9%DB%92-%D8%B3%D9%BE%D8%A7%DB%81%DB%8C-%DB%94-%DB%B1/">پَنی مارہ کے آزادی کے پیدل سپاہی – ۱</a></h2>

جب اوڈیشہ کے غریب دیہی باشندوں نے سمبل پور
کورٹ پر قبضہ کر لیا اور اسے چلانے کی کوشش کی

<h5>۲۲ جولائی، ۲۰۱۴ | <a href="https://ruralindiaonline.org/authors/p-sainath">پی سائی ناتھ</a></h5>

<h2><a href="https://ruralindiaonline.org/ur/articles/%D9%BE%D9%86%DB%8C-%D9%85%D8%A7%D8%B1%DB%81-%DA%A9%DB%92-%D8%A2%D8%B2%D8%A7%D8%AF%DB%8C-%DA%A9%DB%92-%D8%B3%D9%BE%D8%A7%DB%81%DB%8C-%DB%94-%DB%B2/">پَنی مارہ کے
آزادی کے پیدل سپاہی – ۲</a></h2>

اوڈیشہ کی چھوٹی سی بستی، جس نے ’آزادی گاؤں‘
نام پایا

<h5>۲۲ جولائی، ۲۰۱۴ | <a href="https://ruralindiaonline.org/authors/p-sainath">پی سائی ناتھ</a></h5>

<h2><a href="https://ruralindiaonline.org/ur/articles/%D9%84%DA%A9%D8%B4%D9%85%DB%8C-%D9%BE%D8%A7%D9%86%DA%88%D8%A7-%DA%A9%DB%8C-%D8%A2%D8%AE%D8%B1%DB%8C-%D9%84%DA%91%D8%A7%D8%A6%DB%8C/">لکشمی پانڈا کی
آخری لڑائی</a></h2>

آئی این اے کی بدحال مجاہدِ آزادی، جن کا مطالبہ
صرف اتنا تھا کہ ملک ان کی قربانی کو تسلیم کرے، جس کی وجہ سے اس بزرگ سپاہی کی
لڑائی آزادی کے چھ سال بعد بھی جاری رہی

<h5>۵ اگست، ۲۰۱۵ | <a href="https://ruralindiaonline.org/authors/p-sainath">پی سائی ناتھ</a></h5>

<h2><a href="https://ruralindiaonline.org/ur/articles/%D8%B9%D8%AF%D9%85-%D8%AA%D8%B4%D8%AF%D8%AF-%DA%A9%DB%8C-%D9%86%D9%8E%D9%88-%D8%AF%DB%81%D8%A7%D8%A6%DB%8C%D8%A7%DA%BA/">عدم تشدد اور
ستیہ گرہ کی شاندار نَو دہائیاں</a></h2>

باجی محمد، جن کی عدم تشدد پر مبنی لڑائی آزادی
کے ۶۰ سال بعد تک جاری رہی

<h5>۱۴ اگست، ۲۰۱۵ | <a href="https://ruralindiaonline.org/authors/p-sainath">پی سائی ناتھ</a></h5>

اس کے ساتھ ہی پانچ دیگر کہانیوں کا ایک سیٹ بھی
ہے، جو سب سے پہلے ٹائمز آف انڈیا میں شائع ہوئی تھیں، انہیں یہاں مزید
تصویروں کے ساتھ پھر سے شائع کیا جا رہا ہے۔ اس ’بُھلائی جا چکی آزادی‘ سیریز کا
تانا بانا اُن گاؤوں کے ارد گرد بُنا گیا ہے جو عظیم بغاوتوں کا گہوارہ تھے۔
ہندوستانی جدوجہد آزادی، صرف شہری امیروں کا مسئلہ نہیں تھا اور نہ ہی انہی عوامی
گروہوں تک محدود تھا۔ دیہی ہندوستانیوں نے اس میں کہیں بڑی تعداد میں حصہ لیا اور ان
کی لڑائی میں آزادی کے معنی کچھ اور بھی تھے۔ مثال کے طور پر، ۱۸۵۷ کی کئی لڑائیاں
گاؤوں میں تب لڑی جا رہی تھیں، جب ممبئی اور کولکاتا کے شرفاء انگریزوں کی کامیابی
کے لیے دعائیں کر رہے تھے۔ آزادی کے ۵۰ویں سال، یعنی ۱۹۹۷ میں، میں نے اُن میں سے کچھ
گاؤوں کا دورہ کیا جہاں کے بارے میں آپ کو درج ذیل کہانیاں پڑھنے کو ملیں گی:

<h2><a href="https://ruralindiaonline.org/ur/articles/%D8%B4%DB%8C%D8%B1-%D9%BE%D9%88%D8%B1-%D8%A8%DA%91%DB%8C-%D9%82%D8%B1%D8%A8%D8%A7%D9%86%DB%8C%D8%8C-%DA%86%DA%BE%D9%88%D9%B9%DB%8C-%DB%8C%D8%A7%D8%AF/">شیرپور: جن کی
قربانیاں فراموش کر دی گئیں</a></h2>

اتر پردیش کا وہ گاؤں جس نے ۱۹۴۲ میں جھنڈا لہرایا
اور اس کا خمیازہ بھگتا

<h5>۱۴ اگست، ۲۰۱۵ | <a href="https://ruralindiaonline.org/authors/p-sainath">پی سائی ناتھ</a></h5>

<h2><a href="https://ruralindiaonline.org/ur/articles/%DA%AF%D9%88%D8%AF%D8%A7%D9%88%D8%B1%DB%8C-%D8%A7%D9%88%D8%B1-%D9%BE%D9%88%D9%84%D8%B3-%DA%A9%D9%88-%D8%A7%D8%A8-%D8%A8%DA%BE%DB%8C-%D8%AD%D9%85%D9%84%DB%92-%DA%A9%D8%A7-%D8%A7%D9%86%D8%AA%D8%B8%D8%A7%D8%B1-%DB%81%DB%92/">گوداوری: اور
پولیس کو اب بھی حملے کا انتظار ہے</a></h2>

آندھرا کے رمپا سے َالّوری سیتارام راجو نے
انگریزوں کے خلاف ایک بڑی بغاوت کی قیادت کی

<h5>۱۴ اگست، ۲۰۱۵ | <a href="https://ruralindiaonline.org/authors/p-sainath">پی سائی ناتھ</a></h5>

<h2><a href="https://ruralindiaonline.org/ur/articles/%D8%B3%D9%88%D9%86%D8%A7%DA%A9%DA%BE%D9%86-%D8%AC%D8%A8-%D9%88%DB%8C%D8%B1-%D9%86%D8%A7%D8%B1%D8%A7%D8%A6%D9%86-%D8%AF%D9%88-%D8%A8%D8%A7%D8%B1-%D9%85%D8%B1%DB%92/">سوناکھن: دو بار
ہوا ویر نارائن کا قتل</a></h2>

چھتیس گڑھ میں، ویر نارائن سنگھ نے بھیک نہیں
مانگی، لیکن انصاف کے لیے لڑتے ہوئے اپنی جان دے دی

<h5>۱۴ اگست، ۲۰۱۵ | <a href="https://ruralindiaonline.org/authors/p-sainath">پی سائی ناتھ</a></h5>

<h2><a href="https://ruralindiaonline.org/ur/articles/%DA%A9%D9%84%DB%8C%D8%A7-%D8%B3%DB%8C%D8%B1%DB%8C-%D8%B3%D9%88%D9%85%D9%88%DA%A9%D8%A7%D9%86-%DA%A9%DB%8C-%D8%AA%D9%84%D8%A7%D8%B4-%D9%85%DB%8C%DA%BA/">کَلِّیاسِّیری:
سومُکن کی تلاش میں</a></h2>

وہ گاؤں جس نے ہر محاذ پر لڑائی لڑی، انگریزوں،
مقامی زمینداروں، اور ذات پات کے خلاف

<h5>۱۴ اگست، ۲۰۱۵ | <a href="https://ruralindiaonline.org/authors/p-sainath">پی سائی ناتھ</a></h5>

<a href="https://ruralindiaonline.org/ur/articles/%DA%A9%D9%84%DB%8C%D8%A7-%D8%B3%DB%8C%D8%B1%DB%8C-%DB%B5%DB%B0-%DA%A9%DB%8C-%D8%B9%D9%85%D8%B1-%D9%85%DB%8C%DA%BA-%D8%A8%DA%BE%DB%8C-%D9%84%DA%91%D8%AA%DB%92-%DB%81%D9%88%D8%A6%DB%92/">کَلِّیاسِّیری:
آزادی کے اتنے سال بعد بھی جاری ہے جدوجہد</a>

جب شکاریوں کے دیوتا نے کیرالہ کے کمیونسٹوں کو
برطانوی راج مخالف لڑائی میں پناہ دی

۱۴ اگست، ۲۰۱۵ | <a href="https://ruralindiaonline.org/authors/p-sainath">پی سائی ناتھ</a>

پاری، آخری باحیات
مجاہدینِ آزادی، جو اَب اپنی عمر کے ۹۰ویں سال میں ہیں یا اس سے زیادہ عمر کے ہیں،
کا پتہ لگانے اور ان کی زندگی کو دستاویز کی شکل میں درج کرنے کی لگاتار کوشش کر
رہا ہے۔

مترجم: محمد قمر
تبریز

آزادی کی دس کہانیاں

अजादी के दस कहिनी

Panimara's foot soldiers of freedom - 1

આઝાદીની દસ કથાઓ

పది స్వాతంత్య్ర గాథలు

ਅਜ਼ਾਦੀ ਦੀਆਂ ਦਸ ਕਹਾਣੀਆਂ

സ്വാതന്ത്ര്യത്തിന്‍റെ പത്ത് കഥകള്‍

ಹತ್ತು ಸ್ವಾತಂತ್ರ್ಯದ ಕಥೆಗಳು

ସ୍ୱାଧୀନତା ସଂଗ୍ରାମର ୧୦ କାହାଣୀ

স্বাধীনতার দশটি আখ্যান

பத்து முத்தான விடுதலைப் போராட்ட கதைகள்

স্বাধীনতাৰ দহটা কাহিনী

आज़ादी की दस दास्तान

स्वातंत्र्याच्या दहा कहाण्या

Saliha

bhadel_5_large.jpg

گوا کے بھدیل

গোৱাৰ মহিলা কুলিসকল

Bhadels of Goa

ଗୋଆର ଭାଦେଲମାନେ

Margao

thrissur_august_16_and_17_314.jpg

دو چھوٹے کمروں میں ایک ’انقلاب‘ جاری ہے۔
ایک بڑے سے دروازہ والی پراپرٹی سے منسلک ان دونوں کمروں میں مِل (کارخانہ) کو کنٹرول
والی اسمبلی یونٹ لگی ہوئی ہے، جسے کُڈمبا شری کی نو (۹) خواتین چلاتی ہیں۔ ان میں
سے ایک کمرہ کو تین اور دوسرے کمرہ کو چھ عورتیں سنبھال رہی ہیں۔ وہ اپنے مصروف
ورک اسٹیشن پر بھاری بھرکم اوزاروں، جوڑنے والے پرزوں اور پیمانہ بندی کے چارٹوں
کے ساتھ بیٹھی ہیں۔ یہ فینکس ایکٹیوٹی گروپ ہے، جو کنٹرول اور ٹرِپ والوز کو جوڑنے
کا کام کرتا ہے۔

ہم تین خواتین والے کمرہ کے دروازہ کے باہر
اپنے جوتے اتارتے ہیں۔ اس انتہائی چھوٹے کمرے میں بہت سارا کام چل رہا ہے۔ ایک طرف
جہاں یونٹ کی صدر گریجا ششندرن ہم سے باتیں کر رہی ہیں، وہیں مِنی ایک کنٹرول والو
کو نٹ اور بولٹ سے پیٹ کر الگ کر رہی ہیں۔ ورکشاپ کی دوسری میز پر، اجیدا ایک تیار
پیس (ٹکڑے) کو آخری شکل دے رہی ہیں۔ ان میں سے ہر ایک میز پر پلاسٹک کی ۵۰ سے
زیادہ سرخ ٹرے رکھی ہوئی ہیں، جن میں ہر قسم کے پرزے ترتیب سے رکھے ہوئے ہیں۔ ایک
ہفتہ کی ٹریننگ اور روزانہ کی مشق اس کمرہ کی تمام سرگرمیوں کی کہانی بیان کر رہی
ہے۔ یہاں کی عورتیں کسی ماہر کی طرح کام کرتی ہیں اور ویسے ہی باتیں بھی کرتی ہیں۔
لیکن انہیں اس بات کا کوئی اندازہ نہیں ہے کہ ان کے ذریعے تیار کردہ یہ مال کیسے
اور کہاں استعمال کیے جائیں گے، کیوں کہ ٹریننگ کے دوران انہیں اس کے بارے میں
بتایا نہیں گیا تھا۔ گریجا ہمیں ایک کتابچہ پکڑاتی ہیں، جس میں ایک بڑی مشین کے
ساتھ لگائے گئے ایک والو کی تصویر ہے۔ عورتیں مذاقیہ لہجے میں کہتی ہیں، ’’انہوں نے
ہمیں اس کے بارے میں شاید اس لیے نہیں بتایا، کیوں کہ انہیں ڈر ہے کہ ہم کہیں اپنا
یونٹ نہ کھول لیں۔‘‘

اس کام میں تفصیل، ذہانت اور درستگی پر
توجہ دینے کی ضرورت ہوتی ہے۔ تین رکنی یونٹ صبح ۹ بجے سے شام کے ۵ بجے تک روزانہ
اوسطاً ۱۰ کنٹرول والو تیار کر لیتی ہے۔ انہیں ایک پیس کے ۱۵۰ روپے ملتے ہیں۔ ان
کے لیے ایک مہینہ میں ایسے ۵۰ والو تیار کرنا ضروری ہے – جو کہ ان کے بائیں ہاتھ
کا کھیل ہے۔

فینکس ایکٹیوٹی گروپ، کڈمبا شری کی ایک
نایاب شے ہے۔ یہ عام معنوں میں بھی ایک ندرت ہے۔ کڈمباشری میں دیگر چھوٹے
کاروباروں یا معاش کے مواقع کے برعکس، فینکس اپنا کام نہ تو علاقے کے دوسرے لوگوں
سے کراتا ہے اور نہ ہی انہیں کوئی خدمت مہیا کرتا ہے۔ اپنی ساڑی کے اوپر بطور
یونیفارم بھورے رنگ کا واسکٹ (صدری) پہنے یہاں کی عورتیں ان والووں کو جوڑنے اور انہیں
حتمی شکل دینے کا کام خود ہی کرتی ہیں۔ وہ کیلیبریشن چارٹ کی مدد سے کام کو آپس
میں بانٹتی ہیں اور باری باری سے اپنی ڈیوٹی انجام دیتی ہیں۔

وہ اپنے کام کی اہمیت کو سمجھتی ہیں: زیادہ
تر کمپنیاں اسمبلی (پرزوں کو آپس میں جوڑنے) کے کام کی پیچیدگیوں کو دیکھتے ہوئے
زیادہ عمر کے لوگوں پر بھروسہ نہیں کرتیں۔ دوسرے، یہ حیرانی کی بات ہے کہ اس گروپ
میں شامل کسی بھی عورت کے پاس کالج کی ڈگری نہیں ہے، جب کہ بازار میں ایسے کام کے
لیے مخصوص اور ماہر افراد کی ضرورت پڑتی ہے۔ گریجا بتاتی ہیں کہ ان کی کمپنی کے
منیجنگ ڈائرکٹر جب ایک بار یہاں آئے تھے، تو وہ ان ہائی اسکول گریجویٹس خواتین کو ’بی
ٹیک ڈپلومہ ہولڈرز‘ کا کام کرتے ہوئے دیکھ کر حیران رہ گئے تھے۔ وہ یہ کام کافی
دنوں سے اور نہایت خوش اسلوبی سے کر رہی ہیں۔ بات چیت کے دوران انہوں نے کیلیبریشن
چارٹ میں درج معیار سے متعلق یقین دہانی، خرابیوں اور خامیوں جیسی کارروائیوں کے
بارے میں بتایا۔ گزشتہ آٹھ مہینوں میں انہوں نے جتنے والو تیار کیے اور مارکیٹ میں
بھیجے، ان میں سے صرف آٹھ ہی واپس لوٹ کر آئے۔ یہ ہے ان کا کوالٹی کنٹرول۔

گریجا کا ماننا ہے کہ کمپنی کا حسن اخلاق
ہی فینکس ایکٹیوٹی گروپ کی خصوصیات کو ظاہر نہیں کرتا، بلکہ ’’بہتر کارکردگی‘‘ بھی
ان کی کامیابی کا ضامن ہے۔ بعض تحقیق سے انہیں پتہ چلا کہ فینکس کی ان عورتوں کو
اس کام کے لیے اتنے پیسے نہیں ملتے، جتنے کہ پولی ٹیکنک گریجویٹس کو یہی کام کرنے
کے عوض ملتے ہیں۔ یہی چیز فینکس ایکٹیوٹی گروپ کو دوسرے سے الگ بناتی ہے۔ مناسب
قیمت، ریگولر سپلائی اور مسلسل کام ایک ساتھ چلتے ہیں، بھلے ہی یہ تھوڑی پریشانی
سے کیوں نہ ہو، اور مول تول کی گنجائش بھی بہت کم رہتی ہے۔ لیکن، انہیں ’با
اختیار‘ بنانے کا وعدہ ضرور کیا جاتا ہے، جو ان کے لیے ترقی کے بے پناہ مواقع پیدا
کرتا ہے۔

تصویر کھینچنے کے لیے ہم سامنے کے دالان والے
شیڈ میں جمع ہو جاتے ہیں، ہمارے دونوں طرف گروپ کا بینر اور بڑی سی گرین مشینری
ہے، جو اس وقت کافی شور مچاتی ہے جب جیا لکشمی اس میں والو لگاتی ہیں۔ وہ آپس میں ہنسی
مذاق کر رہی ہیں اور میں ان کی صف سے باہر نکل آتی ہوں، اس انتظار میں کہ وہ کیمرہ
کی طرف دیکھیں۔

اس کے علاوہ، فوری مسائل بھی کام سے جڑے
ہوئے ہیں۔ انہیں کافی حرکت کرنی پڑتی ہے، جو کہ اس کام کا تقاضا ہے، یہ مسئلہ اس
کام کے ساتھ جڑا ہوا ہے اور انہیں اسی حساب سے کام بھی کرنا پڑتا ہے۔ انڈسٹریل اسیمبلنگ
یونٹ کے طور پر ان کی ضروریات دوسرے چھوٹے کاروباروں کی بنسبت کچھ انوکھی ہیں۔ میرے
اس دورہ کے دوران، فینکس کو کسی دوسری جگہ کی تلاش تھی، جہاں سے وہ تیار مال کو
زیادہ تیزی سے باہر بھیج سکیں۔ مالکان بھی نفع بخش تجارت کو مزید فروغ دینے کے لیے
نئے گھر کی تلاش میں تھے۔ یہاں انہیں ہر مہینے ۵۰۰۰ روپے سے زیادہ خرچ کرنا پڑتا
ہے، اور ۲۵۰۰ روپے کا بجلی بل اور ۳۰۰۰ روپے کا کرایہ ادا کرنا پڑتا ہے۔ یہ رقم اس
پوری یونٹ کی ماہانہ آمدنی کا تقریباً ۱۰ فیصد ہے۔ دیگر تشویشیں، پیشہ سے متعلق خطرات
بھی ہیں، جس کا اندازہ جیا لکشمی اور شیجا سجیون کے ذریعے والو کو جوڑتے ہوئے دیکھ
کر لگایا جا سکتا ہے۔ بغیر جڑی ہوئی صورت میں اس کا وزن ۶۰ کلو ہوتا ہے، جب کہ پوری
طرح بن کر تیار ہو جانے پر یہ اور وزنی ہو جاتا ہے۔ یہ جیا لکشمی کے لیے تکلیف دہ
ہے، کیوں کہ کام کرتے وقت اس کے بوجھ سے ان کا پورا جسم جھک جاتا ہے، جس سے زخمی
ہونے کا قوی امکان رہتا ہے، جب کہ یہاں پر کوئی انشورنس کوریج بھی نہیں ہے۔

مترجم: محمد قمر
تبریز

کُڈمباشری کی اسمبلی یونٹ میں پیمانہ بندی

କୁଦୁମ୍ବଶ୍ରୀର ମାଇକ୍ରୋ ଏଣ୍ଟରପ୍ରାଇଜ

Calibrating in a Kudumbashree assembly unit

Thrissur

12-tubri_14a-MM-The_Tubri_Competition.jpg

ٹوبری مقابلہ

पश्चिम बंगाल की तुबड़ी प्रतियोगिता

The Tubri competition

ଟ୍ୟୁବ୍ରି ପ୍ରତିଯୋଗିତା

Makardah

k.eranna.jpg

بیلاری میں سرخ بادل کے نیچے زندگی

বেল্লাৰীৰ মাটি এতিয়া ৰঙা-অনুৰ্বৰ, প্ৰদূষিত জলাশয়

Living Under a Red Cloud in Bellary

Bellary

ahmednagar_cutters.jpg

رکھمنی شنگٹے گنّے کی کٹائی کرنے والی ایک دبلی
پتلی خاتون ہیں، جن کی عمر ۴۰ کی دہائی کے وسط میں ہے۔ وہ گنے کے ڈنٹھلوں سے بنی تنگ
دیوار والی جھونپٹری کو اپنا گھر کہتی ہیں۔ وہ اپنے گھر میں دوہری ہوکر داخل ہوتی
ہیں۔ نومبر میں اپنے گاؤں سے نکلنے کے بعد یہی ان کی چار رکنی فیملی کا مسکن ہے۔
وسطی مہاراشٹر کے احمد نگر ضلع میں مُولا شوگر کوآپریٹو کے باہر گنّے کی کٹائی کرنے
والوں کی اس کالونی میں دیگر ہزاروں گھروں کی طرح، ان کی جھونپڑی میں بھی کپڑے
رکھنے کے لیے ایک ٹوٹا پھوٹا ٹن کا باکس ہے اور گھسے پٹے برتنوں کا ایک ڈھیر ہے۔

پانچ سو کلومیٹر سے بھی زیادہ دور، جنوبی
گجرات کے باردولی کوآپریٹو، جو ریاست کے سب سے بڑے اور ابتدائی شوگر کوآپریٹو میں
سے ایک ہے، کے باہر ایک ہزار سے زیادہ گنا کٹائی کرنے والوں کی خستہ حال فوج، فیکٹریوں
کو گنے کی مسلسل سپلائی جاری رکھے ہوئے ہے۔ مزدوروں کی یہ فوج چند ہفتوں میں ایک
کھیت سے دوسرے کھیت میں منتقل ہوتی رہتی ہے۔

کویٹا کے لغوی معنی ’درانتی‘ کے ہوتے ہیں، لیکن یہاں فیکٹری والے گنا کٹائی
کرنے والوں کو کویٹا کہتے ہیں۔ یہ کویٹا مہاراشٹر کے نندربار اور ناسک سے
لے کر پونے اور جلگاؤں ضلعوں کے دیہی علاقوں کےغریب لوگ ہوتے ہیں۔

ہر سال جب مانسون واپسی کے سفر پر ہوتا ہے،
تو وسطی مہاراشٹر کے مراٹھواڑہ خطے کے دیہی علاقوں کے غریبوں میں سے تقریباً پانچ
لاکھ لوگ سخت حالات میں کام کی تلاش میں سفر پر نکلتے ہیں۔ اس سفر کا اختتام
ہندوستان کے سب سے بڑے چینی پیدا کرنے والے علاقے میں ہوتا ہے۔

گنے کے کھیتوں کا یہ عظیم پھیلاؤ جنوبی
گجرات کے ہیروں کی صنعت کے شہر سورت سے شروع ہوکر مغربی مہاراشٹر کے خوشحال علاقے
سے ہوتا ہوا شمالی کرناٹک کے بیلگام تک چلا جاتا ہے۔ فصل کی کٹائی کا موسم عام طور
پر نومبر سے اپریل تک رہتا ہے، لیکن اس سال جیسے اچھے موسموں میں مئی تک جاری رہتا
ہے۔ گنا کٹائی کرنے والوں نے اس سال ۸۱ لاکھ ٹن کی کٹائی کا ریکارڈ قائم کیا ہے۔

مزدوروں کی سالانہ مہاجرت چار دہائیوں سے بھی
کچھ زیادہ پرانی ہے۔ اس کے راستے طے شدہ ہیں۔ تین ریاستوں کے وسیع خطے میں پھیلے ۲۰۰
سے زیادہ شوگر کوآپریٹو فیکٹریوں کے آجروں اور ان کے بے زمین یا بے روزگار کسانوں
میں کوئی تبدیلی نہیں آئی ہے۔ لیکن گنے کا منافع بڑھتا ہی جا رہا ہے۔ مہاراشٹر
اسٹیٹ شوگر کوآپریٹو فیکٹریز فیڈریشن (ایم ایس ایس سی ایف ایف) کے منیجنگ ڈائریکٹر
پرکاش نائک نوَرے کے اندازے کے مطابق اس سال کا منافع ۱۵۰۰۰ کروڑ روپے رہا۔ منافع
تو بڑھ رہا ہے لیکن مہاجر مزدوروں کی حالت خستہ کی خستہ ہے۔

مہاراشٹر کی دو تہائی چینی فیکٹریاں ریاست
کے چند سرکردہ اور امیر ترین سیاست دانوں کے ہاتھوں میں ہیں، جن میں کانگریس پارٹی
کے وزیر اعلیٰ ولاس راؤ دیشمکھ اور حزب اختلاف کے لیڈر، بھارتیہ جنتا پارٹی کے گوپی
ناتھ منڈے شامل ہیں۔ کویٹا کا تعلق عموماً مہاراشٹر کی تاریخی طور پر
پسماندہ ذاتوں اور قبائلوں سے ہوتا ہے۔  جو
تھوڑی بہت ذیلی زمین ان کے پاس ہے وہاں سینچائی کی سہولت بہت کم ہے، جس کی وجہ سے
وہ بارش پر مبنی زرعی موسم کے اختتام پر اپنا گاؤں چھوڑنے پر مجبور ہو جاتے ہیں۔
اس کے برعکس ان کی منزل پانی سے بھرپور گنے کی فصل کا سرسبز و شاداب علاقہ ہوتا ہے،
جہاں باندھوں کے ایک بڑے نیٹ ورک کے ذریعے پانی پہنچایا جاتا ہے۔

ریکارڈ فصلوں کے موسم اور مسابقتی اقتصادی
ترقی کے دور میں مہاراشٹر کی ان ۱۷۲ فیکٹریوں کو کچا مال سپلائی کرنے کے لیے چوبیس
گھنٹے کام کرنے والے مزدوروں کا ایک بڑا فائدہ ہے۔ ’’اتر پردیش جیسی دوسری ریاستوں
کے برعکس یہاں کاشت کار گنے کو نہیں کاٹتے ہیں، بلکہ گنا کاٹنے والے مزدور کاٹتے ہیں،
جو اس بات کو یقینی بناتے ہیں کہ گنا فیکٹری تک پہنچ جائے اور ۲۴ گھنٹوں کے اندر
اندر ان کا رس نکال لیا جائے،‘‘ نائکنوارے کہتے ہیں۔ ’’اس کا فائدہ یہ ہوتا ہے کہ
مہاراشٹر میں گنے سے چینی حاصل کرنے کی شرح ملک کے دوسرے علاقوں سے زیادہ ہوتی ہے۔
یہاں ۱۰ فیصد کے قومی اوسط کے برعکس ۵ء۱۱ فیصد چینی حاصل ہوتی ہے۔‘‘

حاشیہ پرزندگی

ہر موسم سرما میں جیسے ہی ہجرت شروع ہوتی
ہے، فیکٹریوں کے دروازوں کے باہر مہاجر کیمپوں جیسی بڑی بڑی کالونیاں کھڑی ہو جاتی
ہیں۔ ان کالونیوں کے باشندے پانی یا بجلی کی سہولت کے بغیر ہی کام چلاتے ہیں۔ ان حالات
میں خواتین اور لڑکیوں کو اضافی مشکلات کا سامنا کرنا پڑتا ہے۔ انہیں پورے خاندان
کے لیے کسی اجتماعی ذریعہ سے پانی حاصل کرنا پڑتا ہے، اور کھلے میں غسل کرنے پر
مجبور ہونا پڑتا ہے۔

رات کی تاریکی میں صبح ۲  سے ۳ بجے کے درمیان کٹائی کرنے والا میاں بیوی
کا جوڑا، اکثر اپنے بڑے بچوں کے ساتھ گنے کے کھیتوں کی طرف روانہ ہوتا ہے اور
دوپہر کے آخر تک گنے سے لدی بیل گاڑیوں کی لمبی قطاروں میں شامل ہو کر فیکٹری کے
دروزے واپس آتا ہے۔ یہ بیل گاڑیاں گنے کی بلاتعطل سپلائی کر کے فیکٹریوں کو ۲۴/۷
تک چلاتی ہیں۔

دن کے وقت کالونی میں صرف بوڑھے اور چھوٹے
بچے ہوتے ہیں۔ جلتے ہوئے گوبر کے اُپلوں سے دھواں اٹھتا ہے۔ وہاں چھوٹی عمر کی لڑکیاں،
جن میں سے کچھ کی عمر ۱۰ سال سے بھی کم ہے، کھانا پکاتی ہیں۔ گھریلو کام، بشمول
صفائی، کھانا پکانا اور مویشیوں کی دیکھ بھال، لڑکیوں کو سونپ دی جاتی ہے۔ آئی سی
ڈی ایس (انٹیگریٹڈ چائلڈ ڈیولپمنٹ سروسز) سفر پر رہنے والے دیہی ہندوستانیوں کی
ضروریات کا خیال نہیں رکھتی ہے۔ لہٰذا، ان کالونیوں میں بھی بچوں کو نظر انداز کیا
جاتا ہے۔

چونکہ یہ کنبے ہجرت کرتے ہیں، اس لیے عوامی
تقسیم کے نظام (پی ڈی ایس) کے تحت خوراک جیسے دیگر فلاحی حقوق سے بھی محروم ہو
جاتے ہیں۔ انہیں دوسرے ذرائع سے خوراک حاصل کرنی پڑتی ہے۔ باردولی میں گنے کے رس
کے تلچھٹ کی بیمار کرنے والی میٹھی بدبو میں خواتین موٹے اور کم معیار کا جوار
پکاتی ہیں جو فیکٹری انہیں مزدوری کے ایک حصہ کے طور پر فراہم کرتی ہے۔ کچھ کالونیوں
میں اناج کی دکانیں ہیں، مثلاً نیواسا فیکٹری کے باہر۔

مہاجر مزدوروں کو صحت عامہ کی کسی سہولت تک
رسائی نہیں ہے۔ فیکٹریوں میں زخمیوں یا بخار کے علاج کے لیے ڈاکٹر ہوتے ہیں، لیکن
انہیں مزدوروں کی صحت سے زیادہ اس بات کی فکر رہتی ہے کہ وہ زیادہ کام کے لیے صحت
مند رہیں۔ یہ کام جسمانی طور پر تھکا دینے والا ہوتا ہے، اور مزدوروں نے بدن درد
اور بیماریوں کے ساتھ جینا سیکھ لیا ہے۔

اسکول ایک میٹھا خواب ہے

بِیڈ میں دھول سے بھرا خالی گودام فیکٹری
کے زیر انتظام چلنے والا ایک ساکھر شالہ (شوگر اسکول) ہے۔ یہ گوپی ناتھ
منڈے کے ذریعہ چلائے جانے والے ویجناتھ شوگر کوآپریٹو میں واقع ہے۔ اس میں نہ پانی
ہے نہ بیت الخلاء اور نہ میزیں ہیں نہ بینچ ہیں۔ آپ کو یہاں گنا کاٹنے والے مزدوروں
کی وسیع کالونی سے کوئی بچہ نہیں ملے گا۔ صرف رجسٹر ہے، جس میں ۲۰۰ سے زیادہ ناموں
کا اندراج ہے اور جس میں مکمل حاضری بنی ہوئی ہے۔ جب بی جے پی لیڈر اور سابق نائب
وزیر اعلی منڈے سے ان کی فیکٹری میں خالی اسکول کے بارے میں پوچھا گیا، توانہوں نے
کہا: ’’سَکھر شالائیں شاید نہیں چل رہی ہیں، لیکن کم از کم وہ قائم کر دی
گئی ہیں۔ کیا یہ پہلے سے بہت زیادہ بہتری نہیں ہے؟‘‘

باہر کالونی میں بچے بغیر کسی روک ٹوک کے
گھوم رہے ہیں۔ شیتل منڈے، جنہیں اسکول میں ہونا چاہیے تھا، ان بچوں میں شامل ہیں۔
وہ دن بھر کے استعمال کے لیے پانی جمع کر رہی ہیں۔ وہ پہلے اسکول جاتی تھیں، لیکن
سالانہ ہجرت نے آہستہ آہستہ ان کا اسکول چھڑا دیا۔ وہ کہتی ہیں، ’’میں نے چھ ماہ
تک اسکول چھوڑا اور پھر فیل ہو گئی۔ اس کے بعد میں نے اسکول جانا چھوڑ دیا۔‘‘ شیتل
گنے کاٹتی ہیں اور ان کے ذمہ کھانا پکانے، صفائی کرنے اور مویشیوں کی دیکھ بھال کا
کام بھی ہے۔ کالونی کے بہت سے بچوں کی طرح، وہ گنے کے ڈنٹھل کی اوپری حصے کا بنڈل بنا
کر فروخت کرتی ہیں۔ یہ کنبے کی آمدنی کا ایک ذریعہ ہے۔ یہ بنڈل چارے کے طور پر
گاؤں والوں کو بیچا جاتا ہے (۲۰ ڈنٹھلوں کے ۱۰۰ بنڈلوں کے لیے ۳۰ روپے ملتے ہیں)۔

مجبوری میں ہجرت کے تعلیم پر پڑنے والے اثرات
کو دیکھنے کے لیے شیتل کی کہانی کو ۷ء۱ لاکھ سے ضرب دیں۔ یہ وہ اعداد و شمار ہیں
جو ریاست کے سرو شکشا ابھیان (ایس ایس اے) کے ذریعہ رواں تعلیمی سال کے لئے گاؤں
کے اسکول کے اساتذہ کے ذریعہ کیے گئے سروے میں سامنے آئے ہیں۔ مثال کے طور پر اُپّل
کھیڑا میں، نومبر ۲۰۰۶ تک، ۱۰۰ سے زیادہ کنبے سورت کے گنے کے کھیتوں کے لیے روانہ
ہوئے۔ ایک استاد کے ایس راٹھوڑ کہتے ہیں، ’’کلاس روم میں ۶۰-۷۰ فیصد طلباء غیر
حاضر ہیں۔‘‘

سرکاری حکام کا دعویٰ ہے کہ وہ چھ ماہ کی سالانہ
ہجرت کے نتیجے میں ہونے والے نقصان کو حل کرنے کی کوشش کر رہے ہیں۔ ایس ایس اے کے
ڈائریکٹر نریندر کاوڑے نے کہا، ’’اس سال کھولے گئے گاؤں کے ہاسٹلوں میں آدھے بچوں (یا
تقریباً ۷۰۰۰۰) کو روک لیا گیا ہے اور وہ اپنے والدین کے ساتھ ہجرت نہیں کر سکے ہیں۔
’’باقی سبھی شوگر فیکٹریوں کے ذریعہ چلائے جانے والے سکھر شالوں کے ذریعہ
کور کیے جا رہے ہیں۔‘‘

محکمہ تعلیم مہاجر بچوں کی تعلیم کی ذمہ
داری ملوں کو دیتا ہے، اور انہیں سالانہ گرانٹ فراہم کرتا ہے۔ ایس ایس اے کے ڈائریکٹوریٹ
کے اعداد و شمار کے مطابق، ۶۴۳ اسکول (ہر شوگر فیکٹری میں چار سے زیادہ) اس بات کو
یقینی بنا رہے ہیں کہ نقل مکانی کرنے والے بچوں کو تعلیم ملتی رہے۔ زمینی سطح پر
بہت سی فیکٹریوں میں کوئی اسکول نہیں ہے۔ منڈے کی ویجاناتھ فیکٹری جیسے اسکول نہیں
چلتے ہیں۔

ایس ایس اے یا ’سب کے لیے تعلیم‘، مرکزی
حکومت کا چھ سالہ فلیگ شپ پروگرام ہے۔ اس کا مقصد اس بات کو یقینی بنانا ہے کہ ۲۰۰۷
تک تمام بچے اسکولی تعلیم کے پانچ سال مکمل کر لیں۔ لیکن اس کی آدھی مدت گزر جانے
کے بعد بھی سفر میں رہنے والے بچوں کے کمزور ترین گروپوں میں سے ایک کے لیے اس کو یقینی
نہیں بنایا جا سکا ہے۔ گاؤں کے رہائشی ہاسٹلوں اور فیکٹری کے سکھر شالوں کے
باوجود ہزاروں بچے اسکول جانے سے محروم رہتے ہیں۔

لاتور میں کرائے گئے ایک ریاستی سروے میں
کہا گیا تھا کہ صرف ۵۵۰ بچے نقل مکانی کر رہے ہیں۔ لیکن لاتور میں ہی واقع ولاس
راؤ دیشمکھ کی منجارا کوآپریٹو شوگر فیکٹری میں (جو ضلع کی ۱۰ فیکٹریوں میں سے ایک
ہے) دسمبر ۲۰۰۶ میں مقامی اسکول ٹیچر پرشوتم گلڈا نے بھی ایک سروے کیا تھا۔ اس
سروے میں اسکول جانے والی عمر کے ۲۰۰ سے زیادہ بچوں کو فیکٹری سے باہر رہتے ہوئے
دکھایا گیا تھا۔ گلڈا کہتے ہیں، ’’یہ یقینی بنانا خاص طور پر مشکل ہے کہ والدین
لڑکیوں کو اسکول بھیجیں، کیونکہ جب والدین کھیتوں میں کام کرتے ہیں تو انہیں گھر
کا کام کرنا پڑتا ہے۔‘‘

مجبوری سے منافع خوری

انتہائی مشکل حالات میں رہنے کے علاوہ، کام
کی شرائط انتہائی استحصالی ہیں، جو تمام موجودہ لیبر قانون سازی کی خلاف ورزی کرتی
ہیں اور محنت کشوں کو غربت کے کبھی نہ ختم ہونے والے چکر میں ڈال دیتی ہیں۔

فیکٹریاں کٹائی کرنے والے مزدوروں کو جوڑے
میں دلالوں یا مُکادموں کے ایک غیر واضح لیکن مؤثر نیٹ ورک کے ذریعے حاصل کرتی ہیں،
جو موسمی پریشانیوں کا فائدہ اٹھاتے ہیں۔ مانسون میں چند ہزار روپے کنبے کے گزارے
میں معاون ہوتا ہے۔ یہ رقم کٹائی کے موسم میں مزدوری کے ذریعے واپس کرنی پڑتی ہے۔
پورا کنبہ، خواہ بالغ ہوں یا بچے، پھر کام میں لگ جاتے ہیں۔

رات کی تاریکی میں، کھیتوں میں دن بھر کی
کٹائی کے بعد، رکھمنی ہمیں مڑی توڑی پرچیوں (چٹوں) کا ایک انبار دکھاتی ہیں۔ ان میں
ان کے کنبے کے پچھلے چند ہفتوں میں کاٹے گئے گنے کا حساب ہے۔ باضابطہ تعلیم کے بغیر،
دیگر خواتین کی طرح وہ نہ تو اعداد و شمار پڑھ سکتی ہیں اور نہ ہی اپنے کنبے کو
براہ راست کوئی اجرت دلا سکتی ہیں۔ یہ پرچیاں مکادموں کے کمیشن طے کرنے میں فیکٹریوں
کی مدد کرتی ہیں۔ ان کا کمیشن ۱۰ سے ۳۰  فیصد
تک ہوتا ہے۔

سال ۱۹۹۹ سے ایم ایس ایس سی ایف ایف کے مینیجنگ
ڈائریکٹر رہے نائک نورے کو مہاجر مزدوری کی شرائط میں بہت کم خامی نظر آتی ہے۔ وہ
اپنی فیڈریشن کی ۱۷۲ شوگر فیکٹریوں کو تھریشنگ سیزن میں گنے کی بلاتعطل سپلائی کو یقینی
بناتے ہیں۔ وہ دلیل دیتے ہیں: ’’۹ لاکھ گنا کاٹنے والے، مزدوروں کی صحیح تعریف میں
فٹ نہیں بیٹھے کیونکہ وہ نہ تو میرے (فیکٹری کے) براہ راست ملازم ہیں اور نہ ہی مکادم
کے۔ اس لیے وہ باضابطہ طور پر مزدور نہیں ہیں۔

ممبئی یونیورسٹی کے ماہر اقتصادیات نیرج
ہاٹیکر نے اس عدم توازن کی وضاحت کرتے ہوئے کہا: ’’مراٹھواڑہ کے مہاجر مزدوروں کا
کوآپریٹو نظام میں کوئی حصہ نہیں ہے۔ سیاست دانوں کی سربراہی میں فیکٹریاں ان کا کوئی
خرچ اٹھانے کو تیار نہیں ہیں۔ اس لیے سیاسی جماعتیں گنے کی بہتر قیمت کے لیے
احتجاج کریں گی، لیکن گنا کاٹنے والوں کے لیے بنیادی حقوق کی بات کبھی نہیں کریں گی…
وہ حاشیہ پر ہی رہتے ہیں۔‘‘

ڈچ ماہر بشریات جان بریمن نے ۱۹۷۶ میں سورت
میں گنا مزدوروں کی حالت کا مطالعہ شروع کیا تھا۔ وہ کہتے ہیں کہ انہوں نے تین
دہائیوں میں بہت کم تبدیلی دیکھی ہے۔ بریمن کہتے ہیں، ’’ہندوستان کی نئی معیشت میں
زیادہ تر مزدوروں کے ساتھ بہتر سلوک نہیں ہوتا ہے اور مہاجر مزدوروں کے ساتھ اس سے
بھی برا سلوک ہوتا ہے۔ لیبر مارکیٹ کے نچلے حصے میں سپلائی ڈیمانڈ سے بہت زیادہ ہے
اور یہ گنے کی کٹائی کرنے والے موسمی مہاجر مزدوروں کو سودے بازی کا موقع نہیں دیتا۔
اس مزدوری کی ایک خصوصیت یہ ہے کہ یہ مکمل طور پر غیر رسمی ہے۔‘‘

گنا کاٹنے والے مزدوروں کی حالت ہندوستان
کے ناقص انتظام والے غیر رسمی شعبے کے بدترین رجحانات کی مثال ہے۔ یہ شعبہ ۳۰۰ ملین
سے زیادہ، یا ہندوستان کی ۹۰ فیصد افرادی قوت کو ملازمت دیتا ہے۔ یو پی اے حکومت
کے ایجنڈے میں گنا کاٹنے والے غیر منظم مزدوروں کو زیادہ ترجیح دی گئی تھی۔ اس
حکومت نے غیر منظم شعبے میں نیشنل کمیشن فار انٹرپرائزز کو نگراں اور مشیر بنایا
تھا۔

کمیشن کے ذریعہ تیار کردہ غیر منظم مزدوروں
کے سماجی تحفظ کے بل کا مسودہ مئی ۲۰۰۵ سے وزیر اعظم منموہن سنگھ کے دفتر میں پڑا
ہے۔ اب کمیشن نے غیر منظم زرعی شعبے کے مزدوروں (کام کی شرائط اور روزی روٹی کو
فروغ دینے کا) بل کے عنوان سے ایک اور مجوزہ قانون سازی کا مسودہ پیش کیا ہے۔ اس
پر ریاستی حکومتوں اور سول سوسائٹی کی ایجنسیوں کے تاثرات مانگے گئے ہیں۔

نیشنل رورل ایمپلائمنٹ گارنٹی (نریگ)
پروگرام کا مقصد دیہی کنبوں کو ہر سال مانسون کے بعد ۱۰۰ دن کے کام کی گارنٹی دے
کر مجبوری میں ہجرت کو روکنا تھا۔ قانون کہتا ہے کہ ایسے دیہی کاموں میں سے کم از
کم نصف کاموں کو خواتین کو دیا جانا چاہیے۔ لیکن کئی گاؤوں میں جہاں سے گنے کاٹنے
والے ہجرت کرتے ہیں، یہ پروگرام موجود نہیں ہے۔ اپل کھیڑا گاؤں کے مکان خالی پڑے ہیں۔
وجہ واضح ہے۔ <a></a>نریگ پروگرام پر سرپنچ کی نگرانی میں عمل ہوتا
ہے۔ دیوی داس پوار، شمالی اورنگ آباد کے گاؤں ونجریاس کے سرپنچ ہیں۔ وہ مکادم کا
بھی کام کرتے ہیں۔ وہ اور ان سے پہلے ان کے والد چار دہائیوں سے گاؤں والوں کو
سورت کی شوگر فیکٹریوں میں بھیج رہے ہیں۔

اس سال فصل اچھی ہوئی ہے، اس لیے منافع زیادہ
ہوا ہے۔ مکادم، سیاستداں سبھی اچھی فصل کا فائدہ اٹھا رہے ہیں۔ تھکے ہارے مزدور زمین
کے بنجر ٹکڑوں سے روزی کمانے کے لیے معمولی کمائی کے ساتھ اپنے گاؤں لوٹ آئے ہیں۔
چینی کی تلچھٹ کی بدبو اب بھی تیز ہے۔

اس رپورٹ کا ایک ورژن سب سے پہلے ہندوستان
ٹائمز میں اپریل ۲۰۰۷ میں شائع ہوا تھا۔

مترجم: شفیق عالم

گنا کاٹنے والے مزدوروں کی خستہ حالی

A bitter harvest

Beed

_mg_7431.jpg

مغربی اڑیسہ کے نیامگیری کے گھنے جنگلوں میں
مقامی لوگوں کے لیے سیدھا اور مفید مطلب سوال یہ ہے کہ پہاڑ میں کان کنی کی جانی
چاہیے یا نہیں۔ انہیں اس بات سے مطلب نہیں کہ مئی ۲۰۱۴ کے بعد ہندوستان پر کون حکومت
کرے گا۔

پچھلے سال جولائی اور اگست کے مانسون کے
دنوں میں جنگلوں میں رہنے والے گوڈا اور کوندھ برادریوں کی ۱۲ گرام سبھاؤں نے،
جنہیں سپریم کورٹ کے حکم سے قائم کیا گیا تھا، باکسائٹ کی کان کنی کے لیے ہموار
پہاڑی سلسلے کو کھودنے کے منصوبے کو متفقہ طور پر مسترد کر دیا تھا۔ ۷ مربع کلومیٹر
کے رقبہ میں پھیلی اس کان سے لنجی گڑھ میں واقع ریفائنری کو ۷۲ ملین ٹن خام
باکسائٹ فراہم کیا جانا تھا۔ اس ریفائنری کو سال ۲۰۰۷ میں ویدانتا ایلومینیم لمیٹڈ
کے زیر اہتمام کمیشن کیا گیا تھا، جس کا منصوبہ نیامگیری میں کان کنی کرکے اور پھر
اسے ۶۰ کلومیٹر کے دائرے میں باکسائٹ سے بھرپور دیگر پہاڑی چوٹیوں تک وسعت دے کر ایلومینیم
کی سالانہ پیداوار ایک سے ۶ ملین ٹن تک بڑھانے کا منصوبہ تھا۔

اجیروپا ان بستیوں میں سے ایک ہے، جہاں
گرام سبھا نے نیامگیری کی کان کنی کو مسترد کر دیا تھا۔ یہاں کی ایک حالیہ صبح کے
دوران قومی انتخابات کا کوئی نشان نظر نہیں آیا۔ ان انتخابات کو ہندوستان کے اہم
ترین انتخابات میں سے ایک کہا جا رہا ہے اور ان کی ووٹنگ میں محض چند دن باقی ہیں۔
سرخی مائل بھورے مٹی کے گھروں کی دیواروں پر کسی امیدوار کے پوسٹر نہیں چپکائے گئے
ہیں۔ نہ تو اس گاؤں میں بجلی، پینے کا پانی یا پکی سڑک ہے اور نہ ہی ہر رات شور
مچانے والے پرائم ٹائم ٹیلی ویژن کے مباحثے ہیں۔

اجیروپا کی رہنے والی پاروتی گوڈا نے زمین
پر بچھے ہلکے پیلے رنگ کے مہوا کے پھلوں کی چادر کو ان کی مسحور کن میٹھی خوشبو کے
درمیان اکٹھا کرتے ہوئے یہ کہنے کے لیے وقفہ لیا تھا کہ وہ اپنے پارلیمانی حلقے کے
۱۵ امیدواروں سے لاعلم تھیں۔ پہاڑوں، جنگلوں اور ۴۰۰۰ سے زیادہ گاؤں کا ایک وسیع دیہی
علاقہ اور اس کی بستیاں کالاہانڈی اور نواپاڑہ کے اضلاع میں پھیلی ہوئی ہیں۔

ان کا کہنا تھا، ’’میں کہنا چاہوں گی کہ ہم
نہیں چاہتے کہ ویدانتا ہم سے ہمارا پہاڑ چھین لے۔‘‘ گوڈا کا کنبہ اپنے پہاڑی کھیتوں
میں کپاس، سورج مکھی، چاول اور سبزیاں کاشت کرتا ہے، پانی کے کسی دوسرے ذرائع کی
عدم موجودگی میں سال بھر بہنے والی دھارائیں ان کی فصل کو سیراب کرتی ہیں۔ جنگل
خوراک اور آمدنی میں اضافہ کرتے ہیں، جبکہ مذہبی عقائد اور اعمال فطرت کے گرد
گھومتے ہیں۔ ان کا ماحولیات پر انحصار بہت گہرا ہے۔

پھولڈومر کی اونچی پہاڑیاں مکمل طور پر
ڈونگریا کوندھ قبائل سے آباد ہیں۔ عام طور پر خاموش رہنے والے یہ لوگ انتخابات کے
بارے میں سوالات کرنے پر بے حسی اور ویدانتا کے بارے میں غصے کا اظہار کرتے ہیں۔ ’’کسے
ووٹ دینا چاہیے:  ہاتھ یا شنکھ یا ہاتھی کو
(یہ بالترتیب کانگریس، بیجو جنتا دل اور بہوجن سماج پارٹی کے انتخابی نشان ہیں)،‘‘
کُوئی میں اپنے دائیں کندھے پر کلہاڑی رکھے ایک نوجوان نے پوچھا۔ اس دوران پوجا کے
لیے گاؤں کے ڈھول کی تھاپ فضا میں گونج رہی تھی۔ ’’ویدانتا کے خلاف کون ہے؟‘‘ ابھی
تک کوئی امیدوار یہاں ووٹ مانگنے کے لیے نہیں آیا تھا۔ اس بستی کی طرف جانے والی
کچی سڑکوں سے متصل جو تین عمارتیں ویدانتا کے سی ایس آر آوٹ ریچ کے تحت بنوائی گئی
تھیں، ٹوٹی پھوٹی اور لاوارث حالت میں کھڑی تھیں۔ مشتعل دیہاتیوں نے ان پر  بظاہر کلہاڑیوں سے حملہ کیا تھا۔

نیچے لانجی گڑھ میں انتخابی مہم کی ایک جیپ
سڑکوں پر کبھی کبھی دوڑتی نظر آ جاتی تھی، جس میں نصب لاؤڈ اسپیکروں سے گانے بجائے
جا رہے تھے۔ ان گانوں میں امیدواروں کی بجائے دیہی ووٹروں میں رسمی خواندگی کی عدم
موجودگی کے حوالے سے علامتوں پر زور دیا گیا تھا۔ لانجی گڑھ پولیس اسٹیشن میں سی
آر پی ایف کی بیرکوں کے سامنے اور ریفائنری سے تھوڑے فاصلے پر، تھکے ماندے پولیس
والوں نے خبروں سے نظر ہٹا کر اس چارٹ کو دکھایا جس میں پہاڑوں میں پولنگ والے
علاقوں کو ایچ ایس، یعنی انتہائی حساس یا نکسل سے متاثرہ علاقے کے طور پر نشان زد
کیا گیا تھا۔ کالاہانڈی حلقہ کے ۲۴ مکمل طور پر ناقابل رسائی بوتھوں میں سے ۲۲
لانجی گڑھ حلقہ میں آتے ہیں۔

نیامگیری کی گرام سبھا نے کئی معنوں میں
ہندوستان کی پہلی ماحولیاتی استصواب رائے حاصل کی ہے، اور سابقہ درجہ بندی (ہائی
رارکی) کے خاتمے اور ایک باضابطہ طاقت کے ابھرنے کی طرف اشارہ کیا ہے۔ گرام سبھا میں
لوگوں کے اظہار خیال نے آخر کار اس جنوری میں ماحولیات اور جنگلات کی وزارت کو
باکسائٹ کی کان کنی کی اجازت کو مسترد کرنے پر مجبور کیا۔  اِسترداد کے اس عمل سے بشمول اڑیسہ ملک کے
متعدد وسائل سے مالا مال علاقوں میں ایک وسیع تر تنازعہ کو بہت بڑی راحت ملی ہے۔

ایک دہائی پر محیط یو پی اے کے دور حکومت کے
ذریعہ منظور شدہ دو نئے قوانین، حقوق جنگلات قانون (جس کے تحت سپریم کورٹ نے گرام
سبھا کے قیام کا حکم دیا تھا) اور حق اطلاعات قانون، مقامی برادریوں کو سوالات
اٹھانے اور رائے دینے کے لیے بااختیار بنا کر فیصلہ سازی کے عمل کو مزید جمہوری
بنایا ہے۔ لیکن اس کے ساتھ ساتھ انہیں غیرمنظم اور غیر متوقع بھی بنا رہے ہیں۔ غیر
ریاستی اداکاروں کی طرف سے کارپوریٹ کارگزاریوں کی زیادہ جانچ پڑتال مقامی آبادیوں
کے خلاف دھاندلی اور ان کے وسائل کے یکطرفہ حصول میں کمی کا باعث بن رہی ہے۔

مزید یہ کہ حکومتیں اور کمپنیاں بڑے اقتصادی
منصوبوں کے تحت معدنیات سے بھرپور علاقوں کو اپنے کنٹرول میں لانے کی کوشش کر رہی
ہیں۔ کچھ وسائل، جیسے کوئلہ، ہندوستان کی بڑھتی ہوئی صنعتی اور صارفین کی بجلی کی مانگ
کو پورا کرنے کے لیے ضروری ہیں۔ دیگر، مثلاً خام لوہا، منافع بخش خام برآمدات کے
ذریعے دولت اور طاقت کے حصول کا ایک غیر قانونی اور فوری راستہ پیش کرتے ہیں، جیسا
کہ اڑیسہ، کرناٹک اور گوا کے لیے قائم شاہ کمیشن کے نتائج نے اشارہ کیا ہے۔

کالاہانڈی کے موجودہ رکن پارلیمنٹ اور
کانگریس امیدوار بھکت چرن داس کے مطابق بڑھتی ہوئی مانگ کے ساتھ تنازعات بھی ناگزیر
ہو گئے ہیں۔ ’’لیکن گرام سبھائیں حکومت اور صنعت کی توجہ مبذول کراتی ہیں۔‘‘

سال ۱۹۹۶ میں لوک سبھا میں اپنی ایک تقریر
میں چندر شیکھر حکومت میں ریلوے کے سابق وزیر بکت چرن داس نے کالاہانڈی میں ایلومینیم
پلانٹ لگانے کی پرزور وکالت کی تھی۔ انہوں نے اب کہا کہ وہ نیامگیری میں کان کنی کی
مخالفت کرتے ہیں، اور اس کی بجائے زرعی بنیادوں پر مبنی صنعتوں کی حمایت کرتے ہیں،
’’جو ضلع کی سالانہ زرعی پیداوار کی ۶۰۰۰ کروڑ روپے کی مالیت میں اضافہ کر سکتی
ہے۔‘‘ بھکت چرن، جو راہل گاندھی کو ۲۰۰۸ میں نیامگیری کے اجیروپا جیسے علاقوں کے
دورے پر لے آئے تھے، نے اپنے بدلے ہوئے موقف کا دفاع کیا: ’’میں نے کبھی نہیں کہا
کہ صنعت کاری کو اندھا اور سفاک ہونا چاہیے۔ جب میں نے تقریر کی تھی تو مجھے غربت
میں کمی کی فکر تھی۔ جب میں نے قبائل کے بے ساختہ احتجاج کو دیکھا اور ان جنگلات
کا دورہ کیا تو مجھے احساس ہوا کہ ان کی قیمت پر کان کنی نہیں ہو سکتی۔‘‘

یہ صرف دور افتادہ خود کفالتی جنگل کی معیشتیں
ہی نہیں ہیں جو ہندوستان کی سب سے زیادہ کان کنی والی ریاست (جہاں ملک کے باکسائٹ
کا ۶۰ فیصد، اس کے لوہے کا ایک تہائی اور کوئلہ کا ایک چوتھائی حصہ ہے) میں بھاری سرمایہ
کاری والی بڑی صنعتوں کے لیے چیلنج پیش کر رہی ہیں، بلکہ خوشحال زرعی آبادی والے
گاؤں بھی کان کنی کے لیے اپنی زندگیوں کو تبدیل کرنے کے خواہاں نہیں ہیں، جیسا کہ
ریاست کے ساحلی علاقوں میں دیکھا گیا ہے۔ یہاں پوہانگ اسٹیل کمپنی یا پوسکو کے ذریعے
اسٹیل پلانٹ کی تعمیر کے لیے تحویل میں لیے جانے والے گاؤوں میں آٹھ سال سے احتجاج
جاری ہے۔ یہ منصوبہ ملک کی سب سے بڑی براہ راست غیر ملکی سرمایہ کاری کے معاہدے کی
نمائندگی کرتا ہے، اور اسے وزیر اعظم کی بھرپور حمایت حاصل ہے۔

پچھلے ہفتے، وہاں سے مغرب کی جانب، کوئلے
سے مالا مال انگل ضلع کے چھینڈی پاڑہ بلاک میں، ۹ گاؤوں نے اجتماعی طور پر فیصلہ کیا
کہ وہ ۱۰ اپریل کو ہونے والے انتخابات کا بائیکاٹ کریں گے۔ انہوں نے کہا کہ یہ طریقہ
ان کے مطالبے پر توجہ مبذول کرانے کے لیے اختیار کیا گیا تھا کہ زمین کے حصول کے نئے
قانون کے تحت ان کے علاقے میں گرام سبھا کا قیام عمل میں آنا چاہیے، جہاں وہ کوئلے
کی کان کے لیے اپنی زمینوں کے حصول کی مخالفت کا باضابطہ اظہار کر سکیں۔ یکم جنوری
۲۰۱۴ سے لاگو ہو رہے نئے قانون میں زمین مالکان کی رضامندی کے اہتمام کو متعارف کرایا
گیا ہے۔

کوئلے کی وزارت کے دستاویزات میں، ۲۵۰۰ سے
زیادہ رہائشیوں والے ۹ گاؤوں کو مستطیل نما ماچھاکاٹ کول بلاک کے طور پر دکھایا گیا
ہے۔ اس بلاک کی کان کنی گجرات میں واقع اڈانی کے صنعتی گھرانے کے ذریعے کی جائے گی۔
اس کا مقصد مہاراشٹر اور گجرات کے لیے بجلی پیدا کرنا ہوگا۔ سال ۲۰۱۲ کے ایک چھوٹے
آن لائن پریزنٹیشن میں اڈانی کے منصوبے کے تحت پچھلے سال ماچھاکاٹ میں پیداوار کی
شروعات کرنے کا اعادہ کیا گیا ہے۔ اس منصوبے کے تحت کمپنی کے کوئلے کی کان کنی اور
تجارت کو ۲۰۱۲ میں ۳۶ ملین ٹن سالانہ سے بڑھا کر ۲۰۲۰ میں ۳۰۰ ملین ٹن سالانہ تک
کرنا ہے۔

چِھنڈی پاڑہ کے کسانوں کے خیالات کچھ اور ہیں۔
پچھلے تین سالوں میں سڑکوں پر رکاوٹیں اور رہائشیوں کے احتجاج، جو اکثر پرتشدد ہو
جاتے ہیں، نے اس بات کو یقینی بنایا ہے کہ انتظامیہ کان کے لیے ماحولیاتی کلیئرنس
کے طریقہ کار کے حصے کے طور پر عوامی سماعت منعقد کرنے سے قاصر ہے۔

نیامگیری کے کوندھوں کے بالکل برعکس، جن میں
سے بہت کم لوگوں نے اسکول کی تعلیم حاصل کی تھی یا وہ قانون کی باریکیوں اور حکومت
سے مقابلہ کرنے والے حربوں میں دلچسپی رکھتے تھے، بگڈیا کے کالج کے تعلیم یافتہ
باشندوں نے پالیسی میں تبدیلیوں کو قریب سے دیکھا۔ انہوں نے انٹرنیٹ سرف کیا،
معلومات کے حق کی درخواستیں دائر کیں، عدالتوں کا رخ کیا اور یہ ٹریک کیا کہ کون سی
پارٹی کیا کہہ رہی ہے۔ ’’حصول اراضی کا نیا قانون پاس ہو چکا ہے، لیکن ہمارے مقامی
کانگریس ایم پی اس کی حمایت کیوں نہیں کر رہے؟‘‘ بگڈیا کے رہائشی اور انجینئرنگ لیکچرر
ستیہ برت پردھان نے ایک حالیہ دوپہر کو ایک انٹرویو میں وضاحت کی کہ ان کے گاؤں
سمیت ۹ دیگر گاؤوں اپریل میں ہونے والے انتخابات کا بائیکاٹ کیوں کریں گے۔ ’’نئے
قانون کے تحت گرام سبھا کی رضامندی کی شق کو ہم پر لاگو ہونے دیں۔ اگر ۷۰ فیصد
باشندے کان کے لیے ہاں کہتے ہیں، تو ہم بے گھر ہونے کے لیے تیار ہیں۔‘‘

بگڈیا دھان اور سبزیوں کے کھیتوں اور آم
اور کاجو کے بڑے باغات پر مشتمل ہے، جن میں ملحقہ کوسل ریزرو فاریسٹ سے ہاتھیوں کے
جھنڈ اکثر آتے رہتے ہیں۔ آج دوپہر کو یہاں کے باشندوں کی عوامی دعوت تھی۔ اس دعوت
میں انہوں نے گاؤں کے مندر کے باہر صاف ستھرے صفوں میں بیٹھ کر پتوں کی پلیٹوں میں
چاول، دال کے ساتھ سبزی یا دالما اور ٹماٹر کی چٹنی کھائی تھی۔ اپنے پکے مکانات
اور دو اور چار پہیوں والی گاڑیوں کے ساتھ احتجاج کرنے والے کسان ایک دیہی متوسط
طبقے کی نمائندگی کرتے تھے، جو غریبوں کو دی جانے والی سبسڈی پر اتنی ہی حقارت کا
اظہار کر رہے تھے، جتنی پارٹیوں کے سیاست دانوں اور صنعت کاروں کے نجی سودے پر، جس
میں وہ ایک دوسرے کی مدد کرتے ہوئے ایک دوسرے کو امیر بنا رہے تھے (’’مودی اڈانی
کا جیٹ کیوں استعمال کرتے ہیں؟‘‘ ایک مقامی باشندے نے میڈیا رپورٹ کا حوالہ دیتے
ہوئے پوچھا)۔

’’ہم ہیرا کنڈ (مغربی اڑیسہ کا بڑا ڈیم جسے
آزادی کے بعد تعمیر کیا گیا تھا) کے دور سے بہت آگے نکل آئے ہیں۔ اس وقت کسانوں سے
کہا جاتا تھا کہ وہ ملک کے لیے قربانی دیں اور بے دخل ہو جائیں،‘‘ یہ کہنا ہے کالاہانڈی
کے رہنے والے اور کاشتکاروں کے قومی کمیشن کے سابق ممبر جگدیش پردھان کا، جو دیہی
اڑیسہ میں خواہشات اور حقوق کی بدلتی ہوئی بنیادوں کا حوالہ دے رہے تھے۔ ’’اب ایک
احساس <a></a>بڑھ رہا ہے کہ کان کنی وہ ملازمتیں یا خوشحالی پیدا
نہیں کرتی جس کا مقامی لوگوں سے وعدہ کیا جاتا ہے۔‘‘

سال ۲۰۱۲-۱۳ کے اقتصادی سروے کے ریاستی
اعداد و شمار جگدیش پردھان کی دلیل کی تائید کرتے ہیں۔ ریاست میں پیدا ہونے والی
معدنیات کی قیمت ۲۰۰۱-۲ میں ۲۷۷۶ کروڑ روپے سے دس گنا بڑھ کر ۲۰۱۱-۱۲ میں ۳۰۲۰۴  کروڑ روپے ہوگئی۔ رپورٹ کے مطابق، اسی مدت میں
اس شعبے کی ملازمتیں ۵۲۹۳۷ سے کم ہو کر ۴۸۲۳۹ پر آگئیں، جو کہ مشینوں کے استعمال میں
اضافہ کی عکاسی کرتی ہے۔

’’اگر آپ ہماری زمین لینا چاہتے ہیں تو ہمیں
متبادل زمین دیں، اور ہم وہاں سے چلے جائیں گے،‘‘ بگڈیا کے باشندے ۳۴ سالہ کسان سجیت
گرنائک کہتے ہیں۔ ’’کوئلے کی کان میں عارضی ملازمت کے عوض ہم اس چیز کو کیوں ترک
کر دیں جو چیز ہمیشہ ہماری کفالت کرے گی؟‘‘

زیویئر انسٹی ٹیوٹ آف مینجمنٹ کے پروفیسر
اور ریاستی منصوبہ بندی بورڈ کے سابق رکن بنی کانت مشرا نے دلیل دی کہ حکومت کے
سامنے ملازمتیں پیدا کرنے کا سب سے بڑا کام ہے۔ انہوں نے کہا کہ پچھلی دہائی کے
دوران ریاستی حکومت نے اپنے خزانے کے لیے کان کنی کی رائلٹی سے ملنے والی فوری
آمدنی پر حد سے زیادہ انحصار کیا ہے، جبکہ ایک وسیع تر اور زیادہ پائیدار بنیاد کے
ساتھ ترقی کا ماڈل تیار کرنے کے زیادہ مشکل کام سے کنارہ کشی اختیار کی ہے۔ بنی
کانت کہتے ہیں، اگر نوین پٹنائک وزیر اعلیٰ کے طور پر اپنی چوتھی میعاد کے لیے مئی
میں اقتدار میں واپس آئے تو ’’مجھے امید ہے کہ وہ ملازمتوں اور آمدنیوں، خاص طور
پر زراعت اور دیہی مہارتوں سے متعلق ملازمتوں، پر زیادہ توجہ مرکوز کریں گے، بجائے
اس کے کہ میڈیا کی سرخیاں بننے والے کان کنی کے ایک بڑے پروجیکٹ پر دھیان دیں۔‘‘

اجیروپا کی پاروتی گوڈا سے جب پوچھا گیا کہ
وہ اپنے منتخب نمائندے سے کیا چاہتی ہیں تو انہوں نے کہا، ’’ہمارے گاؤں میں ایک
کنواں، جس سے ہم ایک بڑی پیداوار حاصل کر سکتے ہیں۔ سورج مکھی کے تیل کے دو ٹِن
(ڈبے)، چار ٹن بن جائیں گے۔‘‘

اس کا ایک ورژن ۸ اپریل ۲۰۱۴ کو ’منٹ‘
اخبار میں شائع ہوا، جسے <a href="http://www.livemint.com/Specials/hVfKBzeVRzhPVe1ZYqo19L/Mining-row-overshadows-polls-in-Niyamgiri.html">یہاں</a> دیکھا جا سکتا ہے۔

مترجم: شفیق عالم

پہاڑ کا مقدر انتخابات پر بھاری

भवितव्‍य… डोंगराचं आणि निवडणुकीचं!

Fate of a Mountain Trumps Fate of an Election

ପାହାଡ଼ର ଭାଗ୍ୟ ଉପରେ ନିର୍ଭର କରୁଛି ନିର୍ବାଚନ

Niyamgiri

FEATURE_11_JC-Kolhapur-districts-water-crisis.jpg

مترجم: محمد قمر تبریز

کولہاپور ضلع میں پانی کا بحران

Kolhapur district's water crisis

కొల్హాపుర్ జిల్లా నీటి సంక్షోభం

கொல்ஹாப்பூரின் தண்ணீர் நெருக்கடி

ਕੋਲ੍ਹਾਪੁਰ ਜ਼ਿਲ੍ਹੇ ਦਾ ਪਾਣੀ ਸੰਕਟ

କୋହ୍ଲାପୁର ଜିଲ୍ଲାର ଜଳ ସଂକଟ

കൊൽഹാപൂർ ജില്ലയിലെ ജലപ്രതിസന്ധി

ಕೊಲ್ಹಾಪುರ ಜಿಲ್ಲೆಯ ನೀರಿನ ಬಿಕ್ಕಟ್ಟು

कोल्हापुर में जल संकट गहराया

કોલ્હાપુર જિલ્લામાં જળ સંકટ

कोल्हापुर जिला मं जल संकट

कोल्हापुर: सीमेंट के जंगल पानी निगलल जात बा

জলসংকটে জেরবার কোলাপুর

ক’লহাপুৰত জলসংকট

कोल्हापूर जिल्ह्यातील पाणी-संकट

Kolhapur, Maharashtra, India

دیہی خواتین: میل کے پتھر، چکّی کے پاٹ اور کروڑ پتی

கிராமப்புற பெண்கள் மைல்கற்கள், அறவைகல் மற்றும் லட்சாதிபதிகள்

ଗ୍ରାମୀଣ ମହିଳାମାନେ: ମାଇଲ୍‌ ଖୁଣ୍ଟି, ଚକି ପଥର ଏବଂ କୋଟିପତିମାନେ

ग्रामीण महिलाएं: मील के पत्थर, चक्की के पाट और करोड़पति

Govindpur

img_8692.jpg

میں نے الیا راجا سے پوچھا، ’کیا یہاں سانپ
ہیں؟‘

شام ڈھل چکی تھی اور ہم تمل ناڈو کے شیو گنگا
ضلع کے میلکاڈو گاؤں میں ایک کھیت میں کھڑے تھے۔ میں وہاں کنویں کی کھدائی کرنے
والے مزدوروں سے ملنے گئی تھی۔ پورا علاقہ خشک تھا اور گرد و غبار سے بھرا ہوا
تھا، اور کھیتی کے لیے پانی ڈھونڈنا اپنے آپ میں ایک مشقت بھرا کام تھا۔ الیا راجا
وہیں رہتے تھے۔ وہ ایک پرائیویٹ فارم (نجی کھیت، جس میں کمپنیوں کا سرمایہ لگا
ہوتا ہے) پر جز وقتی کام کرتے تھے، اور باقی وقت اپنے والدین کے کھیتوں میں کام
کرتے تھے۔ یعنی وہ دن میں دو الگ شفٹ میں کام کرتے تھے۔ اور ان کی عمر ابھی صرف ۲۳
سال ہے۔

میری آواز میں تشویش کو بھانپ کر الیا راجا
مسکرانے لگے اور بتایا کہ کچھ ہی دن پہلے ’ناگ راج‘ (کوبرا) اس علاقے میں آئے تھے۔
جیسے ہی میں نے ٹہلنے کا خیال چھوڑنے کی بات کہی، الیا راجا نے فوراً ٹارچ نکال
لیا۔

انہوں نے کہا، ’’میں آپ کے ساتھ چلوں گا‘‘ اور
پھر ہم ساتھ چلنے لگے۔ ہمارے پیر ٹارچ کی روشنی سے بنے دائرے میں چل رہے تھے اور
ہمارے چہروں پر رات کی ٹھنڈی ہوا کے جھونکے لگ رہے تھے۔

ہوا میں بارش سے بھیگی مٹی کی خوشبو تیر رہی
تھی۔ دھوپ سے تپتے دن کے بعد یہ ایک ٹھنڈ بھری رات تھی۔ مینڈکوں کی آواز کے علاوہ
مجھے صرف الیا راجا کے سانسوں کی آواز سنائی دے رہی تھی۔ انہوں نے مسکراتے چہرے کے
ساتھ مجھ سے کہا، ’’مجھے ہمیشہ سے دمّہ تھا۔‘‘ حالانکہ، وہ مہاجر ہیں، مگر وہ شیو
گنگا کو اچھی طرح سے جانتے ہیں۔ جب وہ بہت چھوٹے تھے، تو ان کی فیملی سیلم سے یہاں
آ کر آباد ہو گئی تھی۔ وہ سڑک کے ہر موڑ، روڈ پر چلتی موٹر بائک اور انہیں چلانے
والے لوگوں کو اچھی طرح جانتے تھے۔ انہوں نے کہا، ’’۲۳ سال پہلے یہاں کی زمین بہت
سستی تھی۔ میرے والدین نے سلیم میں اپنی جائیداد بیچی، اور میرے والد اور ان کے
بھائیوں نے یہاں ۵۰ ہزار روپے میں دس ایکڑ زمین خرید لی تھی۔ آپ کو معلوم ہے کہ اب
ہم فی ایکڑ ۳ لاکھ سے ۴ لاکھ کی کمائی کر لیتے ہیں؟‘‘ یہ کہتے ہوئے انہوں نے ٹارچ
والا اپنا ہاتھ دائیں بائیں گھمایا، جس سے روشنی کے دائرے میں ساگو دانہ
(ٹیپیئوکا) اور گنے کے کھیت نظر آنے لگے۔

’’پہلے یہ جھاڑیوں سے بھرا گھنا جنگل تھا۔ میری فیملی نے
اسے اپنے ہاتھوں سے صاف کیا۔ آپ کو اس ٹیوب لائٹ کے نیچے وہ کنواں دکھائی دے رہا
ہے؟ وہ میرے چِتپّا (چچا) کا ہے۔ اور اس کے پیچھے، وہ گھر نظر آ رہا ہے؟ جو
ان ناریل کے درختوں کے پیچھے چھپا ہے؟ وہ میرا گھر ہے!‘‘

انہوں نے بڑے فخر سے ’میرا گھر‘ کہا تھا۔ یہ پکّا
مکان تھا، جس میں بجلی موجود تھی جو نو سال پہلے یہاں آئی تھی۔ وقت کے ساتھ بہت
تیزی سے جدیدیت نے بھی یہاں بسیرا کر لیا تھا۔ انہوں نے چہرے پر مسکراہٹ کے ساتھ
اپنی جیب کو تھپتھپاتے ہوئے کہا، ’’آپ کو یہاں کہیں پر بھی بیل اور ہل نہیں دکھائی
دے گا! اور نہ ہی کوئی لینڈ لائن ٹیلی فون نظر آئے گا؛ صرف موبائل دکھائی دے گا۔‘‘

ان تمام چیزوں نے دیہی زندگی کو شاید بدل دیا
ہوگا – جس کے لیے شہری لوگ ترستے ہیں – لیکن جدیدیت کے ساتھ الیا راجا بہت خوش
تھے۔ اس سے ان کی زندگی آسان ہو گئی۔ وہ کہتے ہیں، ’’پہلے ہم گنے کو ہاتھ سے کاٹتے
تھے۔ اب، ایک مشین فصل کو کاٹتی ہے، اور دوسری اسے اکٹھا کرتی ہے۔ اور ان سب میں
زیادہ وقت نہیں لگتا!‘‘ ان نئی مشینوں کی وجہ سے محنت اور وقت کی جو بچت ہوتی ہے
اس کی وہ تعریف کرتے ہیں۔ ان تمام سہولیات کے آنے سے پہلے، بہت کم عمر میں ہی
انہوں نے کھیتوں میں کافی محنت اور وقت لگایا تھا۔

حالانکہ، ایسا بھی نہیں ہے کہ اب ان کی صبح کسی
آرامدہ کرسی پر اخبار پڑھتے ہوئے اور کافی پیتے ہوئے گزرتی ہو۔ وہ پودوں کے درمیان
جا کر اور جھک کر انہیں توڑتے، چھانٹتے اور ان کی صفائی کرتے ہیں۔ وہ اور ان کی
فیملی دھان، سبزیوں اور پھولوں کی کھیتی کرتے ہیں۔ ’’بھنڈی اور بینگن، دونوں کو
روز توڑنا پڑتا ہے۔ بینگن کو کم از کم ایک یا دو دن پودے میں چھوڑ سکتے ہیں، لیکن
بھنڈی کو نہیں… یہ بہت جلد سخت ہو جاتی ہے۔‘‘ اتنا کہہ کر وہ ہنستے ہیں، اور ان کے
ساتھ میں بھی ہنس پڑتی ہوں۔ میں بھنڈی کے ٹیسٹ کے بارے میں سوچنے لگتی ہوں، جس سے
بیچنے والے کو نفرت ہے اور خریدار کو پسند ہے (بھنڈی کو اوپر سے توڑنا؛ اگر یہ
ٹھیک سے نہیں ٹوٹتی ہے، تو بیکار ہے!)

اس کے بعد، پیداوار (ہر سبزی کا کچھ کلو) کو بیچ
دیا جاتا ہے۔ وہ بتاتے ہیں، ’’میرے والد روزانہ میری ماں کو اپنی دوپہیہ گاڑی سے
بازار لے جاتے ہیں۔ وہ انہیں وہاں چھوڑ کر خود کھیت پر چلے جاتے ہیں۔ سب کچھ فروخت
ہو جانے کے بعد میری ماں مشترکہ سواری والے آٹو سے گھر واپس آ جاتی ہیں۔‘‘ اور جب
تک ان کی ماں واپس آتی ہیں، تب تک الیا راجا دن کی دوسری شفٹ کے کام میں آدھا دن
گزار چکے ہوتے ہیں۔ اس دوران، وہ مختلف قسم کے دوسرے باہری کام نمٹاتے ہیں۔ شام ۶
بجے، جب تک وہ گھر آتے ہیں، تب تک مویشیوں کو چارہ ڈال کر گایوں کا دودھ نکالا جا
چکا ہوتا ہے۔

یہاں کے زیادہ تر لوگ گائے، بکریاں اور مرغیاں
پالتے ہیں۔ اس علاقے میں گائیں زیادہ تر جرسی/مخلوط نسل کی ہوتی ہیں، کیوں کہ وہ بہت
زیادہ دودھ دیتی ہیں، بشرطیہ انہیں تازہ گھاس، تلہن کی کھَلی جیسا اچھا کھانا ملتا
رہے۔ لیکن یہ ہمیشہ ممکن نہیں ہو پاتا۔

یہاں اکثر بارش نہیں ہوتی۔ الیا راجا نے سمجھاتے
ہوئے مجھے بتایا، ’’یہاں کی مٹی بہت اچھی ہے، سب کچھ اچھی طرح اگتا ہے۔ مسئلہ پانی
کا ہے۔ دیکھئے نا، میرے چچا کے ۶۰ فٹ گہرے کنویں میں صرف چار فٹ پانی ہے۔ اس لیے،
ہم اس کا استعمال پانی جمع کرنے کے لیے کرتے ہیں۔ بورویل سے پانی نکالا جاتا ہے۔
یہاں پر ۸۰۰ سے ۱۰۰۰ فٹ کی گہرائی تک بورویل کی کھدائی ہوتی ہے…‘‘ میں نے ان اعداد
و شمار کو سمجھنے کی کوشش کی: ایسا کرنا کافی مشکل تھا۔

خالی پڑے کھیت دیکھ کر اچھا نہیں لگ رہا تھا۔
کچھ سال پہلے، اچھی بارش کی وجہ سے بڑے پیمانے پر دھان کی بوائی ہونے لگی تھی، فصل
بہت اچھی ہوئی تھی۔ لیکن پچھلے دو سالوں میں بہت کم بارش ہوئی، اور گرتی ہوئی آبی
سطح کے سبب زمین کو خالی چھوڑ دیا گیا ہے۔ پھر بھی، لوگوں نے گنا اُگانا شروع کیا
ہے اور ڈرپ سینچائی کے ساتھ کھیتی شروع ہوئی ہے۔ یہ کسی بڑے المیہ سے کم نہیں۔ اس
بحث کو الیا راجا نے ’’میں کیا کر سکتا ہوں‘‘ کی مسکراہٹ سے خارج کر دیا۔

رات ہو چکی تھی، آسمان میں تارے ٹمٹما رہے تھے،
اور سڑکوں کو ناپ رہی موٹر سائیکلیں اپنے اپنے گھر جا چکی تھیں۔ ہم واپس مڑے، اور
گنے اور ساگو دانہ کے کھیتوں اور ان کے چچا کے کنویں کے پاس سے ہوتے ہوئے گزرے۔
ہوا ٹھنڈی تھی، اور اس کے ساتھ ایک پیاری خوشبو تیر رہی تھی۔ میں نے سانس اندر
کھینچی، ’ہوں‘ اور فاتحانہ انداز میں ان کی طرف مڑی، اور ان سے پوچھا کہ یہ ہلدی
کا کھیت ہے نا، جس سے ہم گزر رہے ہیں۔ ’’ہاہا،‘‘ ان کی ہنسی پھوٹ پڑی، اور ٹارچ کی
سفید روشنی اوبڑ کھابڑ روڈ پر ادھر ادھر بھٹکنے لگی۔ انہوں نے بتایا کہ ’’ہوا میں
کوئی خوشبو نہیں، حشرہ کش کی بو ہے، جس کا ہم نے صبح ہی چھڑکاؤ کیا ہے!‘‘

مترجم: محمد قمر
تبریز

ہوا میں پھیلی مٹی کی خوشبو اور شیو گنگئی کے اِلیا راجا

শিৱগংগাৰ বতাহত বৰ্ষাসিক্ত মাটিৰ ঘ্ৰাণ

A rain-scented walk in Sivagangai

हवा में तैरती मिट्टी की महक और शिवगंगा के इलयाराजा

पावसाच्या वासाने भारलेला सिवगंगईचा फेरफटका

சிவகங்கையின் மண்வாசனை

Sivagangai

pari_pookadai_street_scene.jpg

مدراس (اب چنئی) کے پرانے تجارتی مرکز،
جارج ٹاؤن کے تقریباً درمیان میں واقع ایک تنگ، گھماؤدار سڑک پر روزانہ صبح کو چہل
پہل شروع ہو جاتی ہے۔ لیکن اگر آپ اسے اس کے آفیشیل نام، یعنی ’بیڈرین اسٹریٹ‘ کی
مدد سے تلاش کریں گے تو آپ اسے کبھی ڈھونڈ نہیں پائیں گے۔ ہر کوئی اسے پوکڑئی
(پھول بازار) کہتا ہے۔ ایسا اس لیے ہے، کیوں کہ ۱۹۹۶ میں چنئی کے کویم بیڈو میں سبزی
اور پھولوں کا ایک لمبا چوڑا بازار بننے کے بہت پہلے سے یہاں بورے کے حساب سے پھول
بیچے جاتے تھے۔ اور آج، ۱۸ سال بعد بھی پوکڑئی میں صبح کی چہل پہل برقرار ہے، جہاں
کے پھول بیچنے والے دوسری جگہ جانے کے لیے تیار نہیں ہیں، اور خریدار بھی نئے
متعینہ بازاروں تک جانا نہیں چاہتے۔

صبح ہونے سے پہلے ہی پوکڑئی میں لوگوں کا
مجمع لگ جاتا ہے اور آپ کو پیر رکھنے کی بھی جگہ نہیں ملتی۔ کویَم بیڈو، آندھرا پردیش،
اور دور افتادہ جنوبی تمل ناڈو سے پھولوں سے پوری طرح بھری بویاں یہاں آتی ہیں۔ سڑک
اکثر و بیشتر کیچڑ سے بھری رہتی ہے؛ بیچ میں کوڑے کچرے کا ایک لمبا پہاڑی نما ڈھیر
پڑا رہتا ہے۔ تصور کیجئے کہ ہزاروں پیروں کے نیچے پرانے پھول کچلے جا رہے ہوتے ہیں؛
سوچئے کہ سینکڑوں ٹائر ان کو روند رہے ہوتے ہیں؛ اور پھر ان سے نکلنے والی مہک کے
بارے میں تصور کیجئے۔ یہ سب دیکھنے میں کہیں سے بھی اچھا نہیں لگتا۔ لیکن گلی کی
اپنی ہی خوبصورتی ہے۔ گلی کے دونوں طرف دکانیں ہیں؛ کچھ سیمنٹ سے بنی پکّی دکانیں
ہیں، جن میں الماریاں ہیں اور چھت سے پنکھے ٹنگے ہیں؛ بقیہ دکانیں بس جھونپڑی نما ہیں۔
حالانکہ، سبھی دکانیں خوب رنگ برنگی نظر آتی ہیں۔ یہ پوکڑئی کی پکّی دکانوں میں سے
ایک ہے۔ سڑک کے دونوں طرف ایسی سو سے زیادہ دکانیں ہیں۔ کئی دکانیں مہاجر مزدوروں
کے ذریعے چلائی جا رہی ہیں، جو گاؤں میں خشک سالی کی مار جھیلتے کھیتوں اور گھٹتے
روزگار کی وجہ سے بھاگ آئے ہیں۔ ان کے معاون (ہیلپر) اکثر ان کے اپنے گاؤں یا آس
پاس کے گاؤوں کے نوجوان لڑکے ہوتے ہیں، جو پیچھے کی طرف واقع یا اوپر کے چھوٹے کمروں
میں رہتے ہیں۔ (یہ تصویر تب لی گئی تھی، جب میں ۱۹ اپریل، ۲۰۱۲ کو صبح سویرے پوکڑئی
گیا تھا۔)

وی شن موگاویل (بائیں) ۱۹۸۴ میں ڈِنڈی گُل کے
گونڈم پٹّی سے چنئی آئے تھے۔ انہیں مہاجرت اس لیے کرنی پڑی، کیوں جب وہ مزدوری کے
لیے باہر جاتے تھے، تو گاؤں میں ان کی یومیہ ۵ روپے کی کمائی ہوتی تھی۔ چنئی میں
اُن دنوں بھی روزانہ کی مزدوری اس سے دس گُنا زیادہ تھی۔ ان کے والد اپنی ۳ ایکڑ زمین
پر کھیتی کرتے تھے۔ لیکن جب بارش کم ہوتی گئی، تو پانی کی کمی ہو گئی اور معاش
کمانا ناممکن ہو گیا۔ اب ان کے گاؤں میں بورویل لگنے لگے ہیں، لیکن بہت دیر ہو چکی
ہے، کیوں کہ بہت سے لوگ گاؤں سے چلے گئے ہیں۔

پیسوں کی گنتی کرتے کے رام چندرن دائیں طرف
کھڑے ہیں۔ وہ ڈِنڈی گُل ضلع کے چونگن چٹّی پٹّی کے رہنے والے ہیں۔ اپنے گاؤں میں زرعی
مزدور کے طور پر کام کرنے والے رام چندرن، ایک بہتر معاش کی تلاش میں ۲۰۰۳ میں
چنئی آئے تھے۔ ان کے والدین اب بھی گاؤں میں کھیتوں میں کام کرتے ہیں۔ ان کی طرح،
ان کے گاؤں کے زیادہ تر لوگ کام کی تلاش میں مہاجرت کر چکے ہیں؛ صرف ۴۰ یا ۵۰ سال کے
بالغ حضرات ہی وہاں رہ گئے ہیں۔ زیادہ تر نوجوان تیروپور، کوئمبٹور یا چنئی میں
کام کرنے کے لیے چلے گئے ہیں۔ اور اس طرح ۱۰۰۰ کی آبادی والے اس گاؤں میں، بقول
رام چندرن، اب آدھے سے بھی کم لوگ رہتے ہیں۔ اور ان میں سے ان کی عمر کے بہت کم مرد
بچے ہیں۔

اے موتوراج کا تعلق ڈنڈی گل ضلع کے پچئی مَلَیَن
کوٹئی سے ہے، جہاں پانچ سال پہلے ۳۰ ہزار روپے میں بیچی جانے والی ۱ سینٹ (سینٹ،
جنوبی ہند میں زمین کی پیمائش کرنے کی اکائی ہے۔ ۱ سینٹ تقریباً ایک سوویں ایکڑ کے
برابر ہوتا ہے) زمین اب ایک لاکھ روپے کی ہے۔ وجہ؟ یہ بڑے شہروں کو جوڑنے والے چوراہے
کے پاس ہے، اور جو لوگ وہاں رہتے ہیں وہ روزانہ ان شہروں میں سے کسی بھی شہر آسانی
سے آ جا سکتے ہیں۔ اس وجہ سےاب کوئی کھیتی نہیں کرنا چاہتا ہے، کھیتوں میں کام
کرنے کے لیے بہت کم لوگ بچے ہیں۔ موتوراج کی ماں ان چند لوگوں میں سے ہیں جو اَب
بھی کھیتی کرتے ہیں (ان کے پاس ۲ ایکڑ زمین ہے) اور وہ زرعی مزدوروں کی مدد سے کنیر
کے پھول اُگاتی ہیں۔ پانی کی دستیابی، حالانکہ مزدوروں سے بھی کم ہے۔ تقریباً ۸۰۰
فٹ کی بورنگ میں پانی کم یا بالکل نہیں ہونے کی وجہ سے، اب وہ ہفتے میں دو بار
اپنے کھیتوں کی سینچائی کے لیے ٹینکر (۷۰۰ روپے فی لوڈ) سے پانی خریدتی ہیں۔ بارش
سے حالت بہتر ہو سکتی ہے، لیکن گاؤں میں زندگی ہمیشہ دشوار ہی رہی؛ اور جب موتوراج
کے رشتہ داروں نے انہیں ۱۸ سال پہلے چنئی میں روزگار تلاش کرنے کے لیے کہا، تو انہوں
نے ان کے مشورہ پر عمل کیا اور یہاں چلے آئے۔

ایس پراکرم پانڈیئن (بائیں) کے دادا نے ان
کے لیے بڑے بڑے خواب دیکھے تھے – وہ چاہتے تھے کہ ان کا پوتا بڑا ہو کر پولیس والا
بنے، اسی لیے انہوں نے ان کا نام مدورئی کے ایک راجا کے نام پر رکھا۔ انہوں نے
سوچا کہ یہ نام ان کے سینے پر پِن سے لگے بِلّے پر اچھا لگے گا۔ لیکن، ’پارک‘ (یہاں
ہر کوئی انہیں اسی نام سے بلاتا ہے، اور جس کا مقامی بولی میں مطلب ہے بیکار خواب
دیکھنے والا) کبھی اسکول نہیں گئے، اور اب پھول بیچتے ہیں۔ ڈنڈی گل ضلع کے پلّا
پٹّی گاؤں کے رہنے والے پراکرم پانڈیئن ۱۴ سال کی عمر میں چنئی آ گئے تھے۔ شروع
میں، انہوں نے کویَم بیڈو میں کام کیا، اور بعد میں ایک دُکان لگانے کی کوشش کی،
جس کی وجہ سے وہ ڈھائی لاکھ روپے (سود کے ساتھ) کے قرضدار بھی ہوگئے۔ پھر انہوں نے
کچھ زمین بیچ کر ڈیڑھ لاکھ روپے واپس کر دیے۔ لیکن بقیہ قرض کو چکانے کے لیے پیسے
جمع ہو جائیں، وہ اسی تاک میں لگے رہتے ہیں؛ وہ روزانہ صبح ہونے سے پہلے اٹھتے ہیں
– اور غروب آفتاب تک کام کرتے ہیں۔

مترجم: محمد قمر تبریز

صبح کی چہل پہل سے بھرا چنئی کا پھول بازار

গোন্ধত আমোলমোল পুক্কড়ই বজাৰ

Pookadai: still throbbing with morning life

ਪੂਕਾੜਈ: ਸਵੇਰ ਦੀ ਰੁਮਕਦੀ ਪੌਣ ਨਾਲ਼ ਆਉਂਦੀ ਫੁੱਲਾਂ ਦੀ ਮਹਿਕ

चेन्नई का फूल बाज़ार: जहां की सुबहें आज भी चहल-पहल से रौशन हैं

ପୋକାଦାଇ: ସକାଳେ ଏବେ ବି ଚଳଚଞ୍ଚଳ

பூக்கடை:

Chennai

9.jpg

غیر قانونی کانکنی کا گراؤنڈ زیرو

ਗ਼ੈਰ-ਕਨੂੰਨੀ ਮਾਈਨਿੰਗ ਲਈ ਪਿੱਠ ਥਾਪੜਦੀਆਂ ਸਰਕਾਰਾਂ

Illegal Mining's Ground Zero

अवैध खनन की भेंट चढ़ते जंगल

ବେଆଇନ ଖଣିଖନନ ସମ୍ପର୍କିତ ଗ୍ରାଉଣ୍ଡ ଜିରୋ ରିପୋର୍ଟ

சட்டவிரோத சுரங்கப்பணி சாதிப்பது என்ன?

Bonai

img_0998.jpg

تیز پیلے رنگ کی ساڑی میں ملبوس، ہاتھوں میں
خوبصورت سفید رنگ کی چوڑیاں پہنے ہوئے بِملا بھٹ ایک مربع علاقہ میں آلتی پالتی
مارے ہوئے بیٹھی ہیں اور مٹی کے چولہے پر روٹیاں سینک رہی ہیں۔
 آٹے کا گول پیڑا بنانے کے بعد، وہ اس کے ہر کونے
کو بیلنے سے پھیلاتی ہیں۔ لکڑی کے ٹکڑے چاروں طرف بکھرے ہوئے ہیں، کچھ دیوار سے
سٹاکر کھڑے کیے گئے ہیں۔ نیلے رنگ کی اس دیوار پر لگا ہوا پلاسٹر جگہ جگہ سے جھڑ
رہا ہے۔ دھوئیں کا گولا آگ کے اوپر منڈرا رہا ہے۔
 
 ’’اس طرح بنایا ہوا کھانا ذائقہ دار ہوتا ہے،‘‘
وہ کہتی ہیں۔ کیا دھوئیں سے ان کے سر میں درد نہیں ہوتا یا انہیں کسی اور طرح
بیمار نہیں کرتا؟ ’’مٹکے کا پانی اور چولہے کا کھانا، سب سے اچھا ہوتا ہے۔‘‘
 
 ان کی رسائی گیس سیلنڈر تک ہے، لیکن بملا چولہے
کو ترجیح دیتی ہیں۔ ہر روز پانچ کلو گیہوں پکاتی ہیں، ایک دن میں تقریباً ۲۰
روٹیاں بناتی ہیں۔ پانی کو سب سے پہلے ’پیوریٹ‘ سے چھانا جاتا ہے اور اس کے بعد
مٹی کے بڑے گھڑے میں ٹھنڈا کیا جاتا ہے۔

روز کے معمول کے علاوہ زمین کے کھونے اور سماجی
روابط کے بدلنے کا خطرہ لاحق ہے۔ ’’میں یہاں ۳۰ سال پہلے آئی تھی،‘‘ بملا بتاتی
ہیں۔ وہ نوجوان دکھائی دیتی ہیں، ان کی جلد چمکدار ہے۔ ’’مجھے واقعی نہیں معلوم کہ
میری عمر کیا ہے،‘‘ وہ مسکراتے ہوئے کہتی ہیں۔
 بملا بنیادی طور پر راجستھان کے سیکر ضلع کی
رہنے والی ہیں، جن کی شادی پورن بھٹ فیملی میں ہوئی ہے، اس فیملی کو کٹھ پتلی
بنانے کے لیے قومی ایوارڈ مل چکا ہے۔ یہاں پر رہنے والے زیادہ تر کنبے ۱۹۷۰ کی
دہائی میں راجستھان، اتر پردیش اور بہار سے ہجرت کرکے آئے تھے۔

پورن بھٹ کا گھر، مغربی دہلی کی کٹھ پتلی کالونی
کا سب سے مشہور پتہ ہے۔ یہ کالونی دہلی ڈیولپمنٹ اتھارٹی (ڈی ڈی اے) کا سب سے پہلا
جھگی بازآبادکاری پروجیکٹ تھا۔ منصوبہ کے مطابق، باشندوں سے کہا گیا کہ وہ پہلے
ٹرانزٹ کیمپوں میں جائیں، جہاں انھیں دو سال یا اس سے زیادہ رہنا پڑے گا، اس کے
بعد ہی انھیں کٹھ پتلی کالونی میں فلیٹ دیے جائیں گے۔ یہ فلیٹ رہیجا ڈیولپرس کے
ذریعہ ڈی ڈی اے کے ساتھ مل کر، پبلک۔پرائیویٹ پارٹنرشپ کے تحت بنائے جائیں گے۔ کچھ
کنبے، جن کی اس کالونی میں زمین نہیں ہے، وہ ٹرانزٹ کیمپوں میں جانے کے حامی ہیں۔
لیکن جن کے پاس یہاں زمینیں ہیں، وہ جانے سے ڈر رہے ہیں، انھیں شک ہے کہ ان سے جن
فلیٹوں کا وعدہ کیا گیا ہے، پتہ نہیں وہ انھیں ملے یا نہیں اور اس طرح وہ اپنی
زمین سے بھی ہاتھ دھو سکتے ہیں۔
 ’’ہم ہمیشہ سے یہاں رہے۔ ہم یہاں سے کیوں
جائیں؟‘‘ بملا سوال کرتی ہیں۔ ان کی ۱۵ سالہ بیٹی دیپالی بھی ان کی ہاں میں ہاں
ملاتی ہے: ’’فلیٹ تو چاروں طرف سے بند جگہ ہوتی ہے۔ ہم اپنے دوستوں اور پڑوسیوں سے
آزادانہ طور پر مل جل نہیں سکیں گے۔‘‘
 
 دیپالی چائے پینا چاہتی ہے؛ ہم اس کی ماں کو کھانا
بنانے کے لیے چھوڑ دیتے ہیں اور ایک بغل کے کمرے میں جاکر بیٹھتے ہیں، جہاں سیاہ
آنکھوں اور ہلکی سی چوٹی والی ایک چھوٹی سی لڑکی زمین پر بیٹھی ہے اور وہیں سے
ہمیں دیکھ کر زور سے ہنس رہی ہے۔ وہ پڑوسی کی بیٹی ہے۔ بچے اندر باہر آ جا رہے
ہیں، ہمیں عجیب نگاہوں سے دیکھتے ہیں اور چلے جاتے ہیں۔ کٹھ پتلی کالونی میں مکان
پوری طرح پیک ہیں، اور پتلی سی گلیوں میں بے ترتیبی سے بنے ہوئے ہیں۔ ہر طرف نالوں
کا پانی بہہ رہا ہے، جہاں کوڑے اور فضلات کے ڈھیر لگے ہوئے ہیں، اور پانی کی کمی
یہ ظاہر کر رہی ہے کہ سرکاری حکام نے اس علاقے کی بری طرح اندیکھی کی ہے۔ لیکن
تعجب کی بات یہ ہے کہ گھروں کے اندر پوری صفائی ہے۔

اپنی کمیونٹی کے بحران سے پوری طرح واقف، دیپالی
بتاتی ہے کہ اس کے پڑوس میں آئندہ بننے والے اپارٹمنٹ کامپلیکس اور مال کیسے اس
کالونی کو الگ تھلگ کر دیں گے۔ پاس ہی بڑے لوگوں کے لیے اپارٹمنٹ بنائے جائیں گے
اور انہیں بیچا جائے گا۔ ’’ایسا لگتا ہے کہ وہ ہمیں کنارے لگانا اور چھپانا چاہتے
ہیں۔ غلاظت اور غریبی دکھائی نہیں دینی چاہیے،‘‘ وہ تلخی سے کہتی ہے۔
 اسے اپنے دادا پورن بھٹ کی حصولیابی اور شہرت پر
ناز ہے۔ دیپالی کا خود اپنا ایک خواب ہے، وہ فیشن ڈیزائنر بننا چاہتی ہے۔ لیکن وہ
ابھی غیر یقینی کا شکا ہے۔ ’’شادی کرنے کے لیے بولیں گے،‘‘ وہ اداس لہجہ میں بولتی
ہے۔ اس کی تمام سہیلیوں کی شادی ہو چکی ہے۔ وہ مزید اعتماد سے کہتی ہے: ’’اس گھر
میں ہمیں کافی آزادی ملی ہوئی ہے۔ مجھے پڑھنے اور کام کرنے کی آزادی دی گئی ہے۔‘‘
 
 اس کے بعد، وہ خوشی سے اپنے ماں کے گاؤں کی شادی
کے بارے میں بتاتی ہے، جہاں وہ اکثر جایا کرتی ہے۔ ’’گاؤں کی شادی دیکھنے لائق
ہوتی ہے۔ آپ کو ضرور دیکھنا چاہیے کہ لوگ کیسا کپڑا پہنتے اور ڈانس کرتے ہیں،‘‘ وہ
کہتی ہے۔ پلک جھپکتے ہی وہ کہتی ہے، ’’آپ کو بھی وہاں آنا چاہیے!‘‘ شک اور بہانے
کی کوئی گنجائش نہیں ہے، دیپالی پورے اعتماد کے ساتھ اپنے وعدہ پر قائم ہے۔
 
 کٹھ پتلی کالونی اپنے یہاں کے عظیم فن کاروں کے
لیے مشہور ہے، جو درزی گیری، بڑھئی گیری، برتن بنانے، اور دیگر شعبوں سے وابستہ
متعدد برادریوں کے مقابلے کافی مضبوط ہیں اور ان کا کام ہر جگہ نظر آتا ہے۔ اس
جھگی میں جادو، ڈانس اور آرٹ، ہر فن موجود ہے، پرفارمنگ آرٹس کو یہاں زیادہ اہمیت
اس لیے دی جاتی ہے، کیوں کہ اسی سے ان کی روزی روٹی چلتی ہے۔
 
 جادو، محمد ماجد کا فن اور ذریعہ معاش ہے۔ ماجد
ایک کمرہ والے گھر میں پریکٹس کرتے ہیں، جو خطرناک طریقے سے ایک اونچی جگہ پر بنا
ہوا ہے، جہاں ایک پتلی اور کمزور سیڑھی سے پہنچا جا سکتا ہے۔ لوگوں کو اپنے جادو
سے مسحور کرنے کے لیے ان کے پاس بہت سے سامان ہیں، جیسے کتابیں، رسیاں، بالٹیاں،
مگ وغیرہ۔ ماجد، راجستھان کے اَلور ضلع کے رہنے والے ہیں اور اپنی زندگی کا بیشتر
حصہ انھوں نے کٹھ پتلی کالونی میں ہی گزارا ہے۔ وہ اپنے فن کی تاریخ بیان کرتے
ہوئے کہتے ہیں: ’’اَلور کے جادوگر شروع میں بنجارہ ہوا کرتے تھے، جو کام کی تلاش
میں ادھر ادھر بھٹکتے رہتے تھے۔ ہمارا کاروبار گاؤوں میں خوب چلا، لیکن وہاں معاش
کا بہت محدود امکان تھا۔ یہاں، شہر میں، زیادہ پیسہ دستیاب ہے۔ ہم ہوٹلوں میں،
برتھ ڈے پارٹیوں میں، اور دیگر موقعوں پر اپنے فن کا مظاہرہ کرتے ہیں۔‘‘
 
 پڑوس کا رہنے والا ۱۹ سالہ راجیش بھٹ، جو ’آرٹسٹ
مینجمنٹ‘ بزنس میں لگا ہوا ہے، بتاتا ہے کہ ماجد ۳۰ منٹ کے اپنے فن کے مظاہرہ سے ۳
ہزار روپے کما لیتا ہے۔
 
 راجیش اگر ۱۹ سال کی عمر میں ایک ابھرتا ہوا
آرٹسٹ منیجر ہے، تو اس سے عمر میں دو سال چھوٹی مُنّی بھی کم نہیں ہے، جو کسی بھی
میوزک پر سُر لگا سکتی ہے۔ وہ بغیر کسی کوشش کے چھوٹے بچوں کے ایک گروپ میں شامل
ہو جاتی ہے، جو راجستھانی مقامی گانے کی دھن پر گا رہے ہیں۔ گانے میں ان کا ساتھ
ایک ہارمونیم اور طبلہ اور ایک الیکٹرک گیٹار دے رہے ہیں۔ گانے کافی جانے پہچانے
ہیں: ’پدھارو مھارے دیس‘ اور ’آرا را را را‘۔ راجیش کو نہیں معلوم کہ یہ دھُن کتنی
پرانی ہے: ’’یہ گانے تب بھی موجود تھے، جب ہمارے دادا نانا نوجوان ہوا کرتے تھے،
شاید اس سے بھی پرانے۔ ان کی ابتدا شاید گاؤوں میں ہوئی تھی۔‘‘
 
 حالانکہ زیادہ تر کنبے کتھ پٹلی کالونی میں تین
دہائی پہلے آئے تھے، اور موجودہ نسل کے زیادہ تر بچے اسی شہر میں پیدا ہوئے ہیں،
لیکن ان کی روزانہ کی پریکٹس میں گاؤں اور شہر دونوں کا امتزاج ملتا ہے، چاہے وہ
کھانا بنانے کا طریقہ ہو، سماجی روابط ہوں، شادی بیاہ کی رسومات، فن کی شکلیں یا
پھر ان کے لباس اور جوڑے، سب بنیادی طور سے گاؤں کے ہی ہیں، لیکن شہر میں آکر ان
میں بہتری آئی ہے اور انھوں نے یہاں کی شکل اختیار کر لی ہے۔
 
 کٹھ پتلی کالونی میں رہنے والی برادریاں فی
الحال جس تجربے سے گزر رہی ہیں، وہ دہلی حکومت کی اس کوشش کا نتیجہ ہے، جس کے تحت
وہ شہرکاری کے کام میں لگی ہوئی ہے، اور اس کالونی کے باشندے اس نئی تبدیلی کو
اختیار کرنے کے لیے تیار نہیں ہیں۔
 
 (مترجم: ڈاکٹر محمد قمر تبریز)

دھاگے سے لٹکا ہوا

সংকটৰ গৰাহত কাঠপুতলিৰ পুতলা-নাচৰ শিল্পী

Hanging by a thread

ସୂତାଖିଅରେ ଝୁଲିଛି ଭାଗ୍ୟ

நூலிழையில் தொங்கும் வாழ்க்கை

Delhi

no_free6.jpg

میرٹھ میں کوئی فری کِک نہیں

মেৰুটত ফ্ৰী কিক্ নাই

No Free Kicks in Meerut

ਫੁੱਟਬਾਲ ਸਿਊਂਦਾ ਬਚਪਨ

मेरठ: फुटबॉल बनाने वाले बच्चे

ମିରଟର ଅସହାୟ ଫୁଟବଲ୍ ନିର୍ମାତା

Meerut

kali-feature.jpg

’’اَکّا، آپ میرے امتحان کوچیری میں تہِ دل سے مدعو ہیں۔ برائے مہربانی اپنی فیملی اور دوستوں کو لے کر ضرور آئیے گا،‘‘ کالی ویر پڈرن نے مجھے فون کرکے کہا اور چنئی میں واقع ہندوستان کے مشہور ڈانس اسکول، کلاشیتر میں اپنے فائنل امتحان کے لیے دعوت دی۔ اور، تھوڑی دیر کے وقفہ کے بعد، انہوں نے مجھ سے نہایت نرم لہجہ میں پوچھا، ’’کیا یہ صحیح انگریزی ہے، اَکّا؟‘‘
 
 کالی کو معلوم نہیں تھا، کیوں کہ تقریباً چار سال پہلے تک وہ انگریزی سے بہت زیادہ واقف نہیں تھے۔ یہی نہیں، وہ ڈانس سے بھی بہت زیادہ شناسا نہیں تھے۔ لیکن اب، وہ کلاسیکی بھرت ناٹیم کے ساتھ ساتھ کرگٹّم، تھپتّم اور اوئیلاتم میں بھی مہارت حاصل کر چکے ہیں۔ یہ تینوں تمل ناڈو کے  تین قدیم علاقائی ڈانس ہیں۔ اور، انہوں نے یہ سارے ڈانس اس میدان کی سب سے بہترین جگہ سے سیکھے ہیں۔
 کالی کی فیملی، جسے وہ ہندو آدی دراوڈرس (ایک دلت برادری) بتاتے ہیں، کوولَم میں رہائش پذیر ہے، جو کہ چنئی کے قریب پریشان حال ماہی گیروں کا ایک گاؤں ہے۔ ۲۱ سالہ کالی کے والد کا انتقال تبھی ہو گیا تھا، جب وہ ایک چھوٹے بچہ تھے۔ ’’میں اس وقت شاید چھ یا سات مہینے کا تھا،‘‘ وہ بتاتے ہیں، جذبات سے عاری۔ ان کے جذبات ان کی بیوہ ماں کے لیے محفوظ ہیں، جنھوں نے تب ایک بڑی فیملی کا بوجھ اٹھانے کی ذمہ داری اپنے کاندھوں پر لے لی اور قلی کا کام کرنے لگیں۔ ’’میری تین بڑی بہنیں اور دو بھائی ہیں۔ جب ایک بھائی کی موت دماغی بخار کی وجہ سے ہوگئی، تو میں اپنی دادی کے گھر سے، جہاں پر میں تب تک رہا کرتا تھا، اپنی ماں کے گھر چلا آیا۔‘‘

ان کی ماں کا گھر تب پختہ نہیں تھا، جیسا کہ اب ہے۔ چنئی کے خراب موسم کے دوان اس گھر کی حالت نہایت خستہ ہو جایا کرتی تھی، اس کے بعد حکومت نے ان کے سروں پر پختہ چھت کا انتظام کرنے کا اعلان کیا۔ کالی اس کے لیے حکومت کے شکر گزار ہیں، ٹھیک ویسے ہی، جیسے وہ ہر اُس فرد کے شکرگزار ہیں، جس نے ان کے خوابوں کو پورا کرنے میں ان کی مدد کی۔ 
 کالی کا خواب ڈانس (رقص) کرنے کا ہے، جو کہ اپنے آپ میں منفرد نہیں ہوسکتا۔ لیکن کالی ڈانس کی دو مختلف قسموں میں مہارت حاصل کرنا چاہتے ہیں، ان دونوں ڈانس اسٹائل کو ایک دوسرے سے ملانا ویسا ہی ہے، جیسے تیل اور پانی کو ملانا۔ ان میں سے ایک بھرت ناٹیم ہے، ڈانس کی بہت ہی بنیادی اور کلاسیکی شکل، جسے پہلے دیوداسیاں (وہ لڑکیاں جنھیں زندگی بھر کے لیے مندروں اور اس کے پجاریوں کو بھینٹ کر دی جاتی تھیں) استعمال کرتی تھیں، اور آج، بدقسمتی سے، اس کی سرپرستی زیادہ تر اونچی ذات اور پیسے والے لوگ کرتے ہیں، جو پہلے ان (دلتوں) سے دور رہا کرتے تھے۔ دوسرا ہے ’فوک ڈانس‘، ایک ایسی اصطلاح جو کئی صدیوں پرانے ڈانس کی مختلف قسموں کو ایک ساتھ جمع کرتی ہے، اور جس کا چلن تمل ناڈو کے گاؤوں میں آج بھی ہے۔
 ضابطہ کے مطابق، بھرت ناٹیم کے ڈانسر فوک ڈانس میں مہارت حاصل نہیں کر سکتے، جب تک کہ ان کے پروڈکشن کو کرگم یا کوڈی سے ٹکرانے کے لیے بلایا نہ جائے۔ بہت کم لوگوں نے اس کی سخت ٹریننگ لی ہے، اسے پیشہ ورانہ طور پر پیش کرنے کی بات تو چھوڑ ہی دیجیے۔ کالی کے فوک ڈانس ٹیچر، کَنَّن کمار (پورے تمل ناڈو میں یہ واحد کل وقتی استاد ہیں) بتاتے ہیں کہ فوک ڈانس (مقامی رقص) ایک بنیاد یا دیوار کی طرح ہے اور متعلقہ بھرت ناٹیم، جس میں کہانی بیان کرنے کے لیے مُدراؤں کا استعمال کیا جاتا ہے، اس پر ایک پینٹنگ کی طرح ہے۔ ان کا ماننا ہے کہ یہ دونوں رقص ایک دوسرے کے لیے لازم و ملزوم ہیں۔ اور کالی ایک قدم آگے جاتے ہوئے، دونوں کی پریکٹس کرتے ہے اور وہ بھی بغیر کسی ٹکراؤ کے۔

دراصل، کالی کو ٹکراؤ کا سامنا صرف ایک بار کرنا پڑا تھا، جب انہوں نے اسکول کے بورڈ امتحانات مکمل کیے تھے۔ انہیں خود ہی یہ معلوم نہیں تھا کہ وہ کیا کرنا چاہتے ہیں۔ سب سے فطری اور عقل مندی پر مبنی فیصلہ یہ تھا کہ وہ کوئی نوکری کر لیں۔۔۔ ان کی گھریلو حالت کو پیسوں کی ضرورت تھی۔ لیکن تبھی، ان کی چچی نے انہیں کوولم کے قریب، جنوبی ہندوستان کے ہیریٹیج میوزیم، دکشن چتر میں مفت فوک ڈانس کلاسز کے بارے میں بتایا۔ کالی ایک نظر میں ہی اس کے گرویدہ ہو گئے۔ وہ تیزی سے کلاس میں آگے بڑھتے گئے اور صرف دو مہینوں کے اندر انہوں نے کرگٹّم، اوئیلاتم اور تھپتّم میں مہارت حاصل کر لی۔ ان کے استاد کنن کمار نے خوش ہوتے ہوئے انہیں چوتھا ڈانس، دیورَتّم بھی سکھانا شروع کر دیا۔ تب جاکر، کالی کا داخلہ کلاشیتر میں ہوا، ڈانس میں چار سالہ ڈپلومہ کورس کے لیے۔ چند سال پہلے تک کا لی نے کلاشیتر کا نام تک نہیں سنا تھا۔ سارہ چند (جنھوں نے ان کو اسپانسر کرنے کا فیصلہ کیا) نے سب سے پہلے ان کے ہنر کو پہچانا، جب وہ سونامی باز آبادکاری مرکز کے لیے کوولم میں ڈانس کر رہے تھے۔ انھوں نے ان سے کہا کہ انہیں کلاشیتر میں اس آرٹ کو باقاعدگی کے ساتھ سیکھنا چاہیے۔ کالی نے انٹرویو پاس کر لیا اور اس طرح انہیں وہاں داخلہ مل گیا، حالانکہ دور کے چاچا، چاچیوں نے ان کی کافی حوصلہ شکنی کی کہ وہ ڈانس سیکھ کر کیا کریں گے۔ انہوں نے پہلی رکاوٹ کو عبور کر لیا تھا۔ لیکن دوسری رکاوٹیں ابھی ان کا انتظار کر رہی تھیں۔تمل میڈیم اسکول کے ایک لڑکے، جس نے بھرت ناٹیم اور کلاسیکل میوزک کو کبھی نہ دیکھا اور محسوس کیا ہو، اس کے لیے کلاشیتر شروع میں کافی خوفناک محسوس ہوتا تھا۔ کھانا پوری طرح سبزیوں پر مشتمل تھا، یہاں گوشت کا نام و نشان تک نہیں تھا، جو وہ پہلے شوق سے کھایا کرتے تھے؛ اور ان کی قوت برداشت خوفناک تھی۔ ’’میں تب ایک موٹا لڑکا تھا!‘‘ کالی ہنستے ہوئے کہتے ہیں، اور مجھے دکھاتے ہیں کہ وہ کیسے ڈانس کیا کرتے تھے، کمر باہر نکلی ہوئی، ان کے پیر پھیلے ہوئے اور ہاتھ بے اعتبار۔ وہ کیمپس میں (بہت سارے) غیر ملکیوں سے کچھ حد تک بہتر تھے، وہ انھیں کی طرح ثقافتی طور پر سمجھدار تھے، لیکن انگریزی زبان میں بات چیت کرنے سے پوری طرح قاصر تھے۔

اس طرح انہوں نے ڈانس کرنا شروع کی۔ الفاظ کی جگہ انہوں نے ہاؤ بھاؤ کا استعمال کیا؛ جلد ہی غیر ملکیوں کے سامنے ان کی شرمندگی جاتی رہی، اور انہوں نے پہلی سال کے طلبہ کے دن کے موقع پر ان میں سے کئی غیر ملکیوں کو اپنے ساتھ ملا لیا، جہاں انہوں نے روسی اور جنوبی افریقہ کی لڑکیوں سے اوئیلاتم ڈانس کروایا۔ اس وقت کی کلاشیتر کی ڈائرکٹر لیلا سیمسن نے ان کی اس کوشش کی تعریف کی تھی۔ اور سب سے بڑی بات یہ کہ انہوں نے اپنے کلاس میں ٹاپ کیا۔ ان کی خود اعتمادی بڑھتی گئی، ساتھ ہی ان کا علم بھی۔اب، کالی ایک جھٹکے میں راگوں کو پہچان سکتے ہیں۔ مقدس رُکمِنی ارنگم، کلاشیتر کی بانی اور مشہور رقاصہ رُکمنی دیوی ارونڈیل کے نام سے منسوب، میں پرفارمنس کے دوران وہ راگوں کے بارے میں اندازہ لگاتے ہیں اور اپنے کئی دوستوں میں سے ایک سے پوچھتے ہیں کہ کیا وہ صحیح ہے۔ وہ عام طور پر صحیح ہوتا ہے۔ اور ان کا ڈانس اُن ابتدائی دنوں سے چل کر یہاں تک پہنچا ہے، جہاں اب ان کے قدم (آداووس) درست، اور باوَم (اظہار) بالکل صحیح ہوتے ہیں۔ 
 یہیں رُکمِنی اَرَنگم میں ان کا امتحان کوچیری (اظہارِ فن) ۲۸ مارچ ۲۰۱۴ کو ہوا۔ آٹھ اسٹوڈنٹس پر مشتمل ان کے بَیچ نے پورے میک اَپ کے ساتھ، اسٹیج پر مکمل مارگم (ڈانس کا مجموعہ، ترتیب وار پیش کرنا) پیش کیا۔ ان کی کلاس ٹیچر، اِندو ندیش، جنھوں نے انہیں اور ان کے ہم جماعتوں کو ٹریننگ دی تھی، وہ نٹّووانگم پر تھاپ دیتی رہیں۔ انھیں اپنی کلاس پر ناز ضرور رہا ہوگا؛ سامعین کو تو بالکل تھا۔

کالی کی ماں، ان کا بھائی رجنی (جو کوولم میں اِڈلی کی دکان چلاتا ہے)، ان کی تین بہنیں اور ان کے گھر والے، ان کے دوست، یہ سبھی لوگ کلاشیتر میں ان کی کوچیری کو دیکھنے آئے تھے۔ میں نے کالی کی شاندار کارکردگی پر جب رجِنی کو جاکر مبارکباد دی، تو انہوں نے حقیقت کا اظہار کرتے ہوئے کہا کہ ’’ہمیں ڈانس کی یہ ساری باتیں سمجھ میں نہیں آتیں۔ ہم تو صرف یہاں، باہر بیٹھے ہوئے تھے۔ خوشی کی بات ہے کہ آپ کو یہ سب اچھا لگا۔‘‘ تب تک کالی ان سبھی کو دیکھنے کے لیے باہر آ چکے تھے۔ انہوں نے اپنی ماں کو گلے لگایا، اپنی فیملی کے ساتھ تصویریں کھنچوائیں۔ لیکن ان کے دوست کلاس کی فوٹو کے لیے انہیں آواز لگا رہے تھے۔ وہ جیسے ہی اندر بھاگے، انہوں نے کنَّن کمار کو دیکھا۔ جھک کر انہوں نے ان کے پیر چھوئے۔ ان کے ٹیچر نے پسینوں سے بھیگے ہوئے ان کے کندھے کو پکڑ کر اوپر اٹھایا اور سینے سے لگا لیا۔ ٹیچر کی آنکھوں میں فخریہ احساس تھا، جب کہ اسٹوڈنٹ کی آنکھوں میں خوشی۔ 
 ’’میں ان میں آرٹ کی کسی بھی شکل کو نہیں چھوڑ سکتا،‘‘ کالی کہتے ہیں۔ وہ خوش اور مطمئن ہیں کہ ان کا امتحان اب ختم ہو گیا۔ ان پر وجد کی کیفیت طاری ہو جاتی ہے جب وہ یہ سنتے ہیں کہ وہ فرسٹ کلاس سے پاس ہوئے ہیں، اور انتہائی خوش ہوجاتے ہیں، جب انہیں پتہ چلتا ہے کہ ان کا داخلہ کلاشیتر میں بھرت ناٹیم کے پی جی ڈپلومہ میں ہو گیا ہے۔ اور اب، کالی فوک ڈانس کے لیے پہلے سے کہیں زیادہ پرعزم ہیں، جس کے بارے میں ان کا کہنا ہے کہ رقص کی یہ قسمیں اب ختم ہونے کے دہانے پر پہنچ چکی ہیں۔ یہ ان لوگوں تک بھی بھرت ناٹیم کو پہنچانا چاہتے ہیں، جنھوں نے اس کی خوبصورتی کا پہلے کبھی مشاہدہ نہیں کیا۔ ’’ایک کلاس فوک کی، ایک کلاس بھرت ناٹیم کی۔ میں دونوں پڑھانا چاہتا ہوں، میں ایک ڈانس اسکول بنانا چاہتا ہوں، میں پیسے کمانا چاہتا ہوں، میں اپنی ماں کی دیکھ بھال کرنا چاہتا ہوں، میں ڈانس کرنا چاہتا ہوں،‘‘ اور نوجوان ڈانسر اسی طرح اپنے خوابوں کی فہرست گِناتا چلا جاتا ہے۔
 ویڈیو دیکھیں ۔
 <a id="519" linktype="page">
 کالی: ڈانسر اور ان کے خواب:</a>

کالی: ڈانسر اور ان کے خواب

काली: एक नर्तक और उसके ख़्वाब

Kali: the dancer and his dreams

ନର୍ତ୍ତକ କାଳୀଙ୍କର ସ୍ୱପ୍ନ

காளி என்ற நடனக் கலைஞரும் அவரது கனவுகளும்

ಕಾಳಿ ಎನ್ನುವ ನರ್ತಕ ಮತ್ತು ಅವನ ಕನಸುಗಳು

काली:  नर्तक आणि त्याची स्वप्ने

Kovalam (Covelong)

Nine decades of non-violence

biswas1_cropped.jpg

ہم نے دیکھا – لیکن ہمیں اس پر یقین نہیں
ہوا۔ ہم ان کے قریب پہنچے، اپنی کار سے نیچے اترے، اور غور سے دیکھنے لگے۔ یہ حقیقت
تھی، کوئی جھوٹ نہیں تھا۔ ہمیں اب بھی یقین نہیں ہو رہا تھا۔ رتن بسواس کے پاس
پانچ بانس تھے، ان میں سے ہر ایک کی لمبائی ۴۰۔۴۵ فیٹ تھی، اور انہیں پورے توازن
کے ساتھ سائیکل سے باندھا گیا تھا۔ وہ اس بوجھ کو اپنے گاؤں سے ۱۷ کلومیٹر دور،
تریپورہ کی راجدھانی اگرتلہ کے ایک بازار تک، سڑک کے راستے کھینچتے ہوئے لے جا رہے
تھے۔ اگر ان بانسوں کے نکلے ہوئے کناروں سے کوئی پتھر یا کوئی اور چیز ٹکرا جاتی،
تو سائیکل، سائیکل کے مالک اور بانس زمین پر گر پڑتے اور وہ بری طرح زخمی ہو جاتے۔
بانس کی یہ خاصیت ہے کہ وہ دیکھنے میں تو بہت ہلکے لگتے ہیں، لیکن ہوتے بہت بھاری
ہیں۔ بانس تھے تو کل پانچ، لیکن دیکھنے میں چار ہی لگ رہے تھے، کیوں کہ ان میں سے
دو آپس میں اس طرح سے بندھے تھے گویا ایک ہی ہوں۔ اِن پانچ بانسوں کا وزن کل ملا
کر ۲۰۰ کلوگرام تھا۔ بسواس یہ جانتے تھے۔ ہم سے بات کرکے وہ بہت خوش ہوئے اور انہوں
نے اپنی اس سواری کی فوٹو کھینچنے کی بھی ہمیں اجازت دی۔ مگر انہوں نے ہمیں اس
سائیکل کو کھینچنے کی اجازت نہیں دی، کیو ں کہ وہ اس کے خطرات سے واقف تھے۔

’مشکل سے پانچ فیٹ لمبی سائیکل پر آپ اتنے وزنی اور اتنے لمبے
بانسوں کا توازن کیسے بناتے ہیں؟‘ یہ سوال سن کر وہ مسکراتے ہیں اور ہمیں وہ تختہ
دکھاتے ہیں، جو کہ بانسوں کا ہی بنا ہوا ہے۔ ان میں سے دو بانسوں کو تو انہوں نے
سائیکل کے آگے کی طرف کھڑا کرکے لگا رکھا ہے۔ اس کے علاوہ، پیچھے کے کیریئر پر بھی
بانس تختوں پر ہی بندھے ہیں۔

اس طرح، دو بانس افقی پٹی کے ساتھ بندھے ہیں،
جو اگلے تختے پر ٹکے ہوئے ہیں، اور پیچھے کی طرف بھی کیریئر پر بندھے تختے پر ٹکے
ہوئے ہیں۔ بقیہ بڑے بانس سامنے کی طرف ہینڈل اور سیٹ پر رکھے ہوئے ہیں اور دونوں طرف
کے ہی جوڑوں سے بندھے ہوئے ہیں۔ اس طرح، ان بانسوں کو آپس میں جوڑ کر انہیں ایک ہی
جگہ رکھا جا سکتا ہے۔ اس وجہ سے، سڑک پر چلتے وقت بانس آسانی سے ادھر ادھر ہِل
نہیں سکتے ہیں۔ یہ کمر توڑ محنت کا کام ہے۔ بسواس اپنی روزی روٹی کمانے اور چار رکنی
فیملی کا پیٹ بھرنے کے لیے جو کام کرتے ہیں ان میں سے یہ ایک ہے۔ وہ بتاتے ہیں،
’’میں ہوں، میری بیوی اور دو بیٹے ہیں۔ میرا گاؤں جیرانیا بلاک (مغربی تریپورہ
ضلع) میں ہے۔ میں دہاڑی مزدور ہوں۔ اگر کسی عمارت کی تعمیر ہو رہی ہوتی ہے، تو میں
ایک مزدور کے طور پر کام کر لیتا ہوں۔‘‘ ورنہ، کھیتی کے سیزن میں وہ زرعی مزدور یا
وزن ڈھونے والے بن جاتے ہیں۔

انہوں نے کہا، ’’نہیں۔ میں نے اِن بانسوں
کو خود نہیں کاٹا۔ میرے لیے یہ کام بہت مشکل ہوتا۔ یہ بانس اُن سے خریدتا ہوں جو انہیں
لے کر میرے گاؤں آتے ہیں۔‘‘ اور اگر یہ بانس اگرتلہ کے بازار میں فروخت ہو جائیں،
تو انہیں ۲۰۰ روپے کا منافع ہو سکتا ہے۔ اُس وقت میرے ساتھ سنیل کلائی سفر کر رہے
تھے جو تریپورہ سنٹرل یونیورسٹی کے شعبہ صحافت و ترسیل عامہ میں لکچرر ہیں۔ وہ
مجھے بتاتے ہیں کہ بسواس چاہتے تو بازار تک پہنچنے کے لیے کئی چھوٹے راستوں کا
انتخاب کر سکتے تھے۔ مگر انہوں نے شاید ایسا اس لیے نہیں کیا، کیوں کہ اُن راستوں
پر بانسوں کی لمبائی کے مطابق جگہ نہیں مل پاتی۔ اس کے بعد ہم لوگ اپنی کار میں
بیٹھے اور اگلی منزل اَمباسا ضلع کی طرف چل پڑے۔ بسواس مخالف سمت میں چلے جا رہے
ہیں، اس سائیکل کی ۴۰ فیٹ لمبی پونچھ ان کے پیچھے ہوا میں لہرا رہی ہے۔

مترجم: محمد قمر تبریز

بسواس اور ان کی سائیکل پر لدا بانس

बिस्वास आणि त्यांच्या सायकलीवरचे बांबू

Biswas and the bamboos on his bike

பிஸ்வாசும், அவர் சைக்கிளில் கொண்டுசெல்லும் மூங்கில்களும்

ৰতন বিশ্বাস আৰু বাঁহ বোজাই কৰা তেঁওৰ চাইকেলখন

ବିଶ୍ଵାସ ଓ ବାଉଁଶ

বিশ্বাস এবং তাঁর সাইকেল বোঝাই বাঁশ

బిశ్వాస్ - వెదురుబొంగుల సైకిల్ ప్రయాణం

बिस्वास और उनकी साइकिल पर लदा बांस

Agartala

openingimagethumbnail.jpg

فصلوں کا چکر: میزورم میں آگ اور باز احیاء

Crop cycles: Fire and renewal in Mizoram

Damparengpui

img_1736.jpg

اوئیلاتم جنوبی تمل ناڈو کا ایک مقامی رقص ہے۔
یہ رقص مردوں کے ذریعے پوری شان سے کیا جاتا ہے۔ رقص کرتے وقت یہ مرد اپنے ہاتھوں
میں رنگین رومال ہلاتے رہتے ہیں۔ دیہی رقص کی اس شکل کو زیادہ تر تہواروں کے دوران
پیش کیا جاتا ہے۔ اوئیلاتم کے دوران تاول (ڈرم) بجایا جاتا ہے اور فوک
(مقامی) گانے گائے جاتے ہیں۔

یہ بھی دیکھیں: <a href="https://ruralindiaonline.org/ur/articles/%DA%A9%D8%A7%D9%84%DB%8C-%D8%B1%D9%82%D8%B5---%D8%AA%DA%BE%D9%BE%D9%91%D8%AA%D9%91%D9%85/">کالی کا رقص
– تھپّتّم</a>

<a href="https://ruralindiaonline.org/ur/articles/%DA%A9%D8%A7%D9%84%DB%8C-%DA%A9%D8%A7-%D8%B1%D9%82%D8%B5---%DA%A9%D8%B1%DA%AF%D9%B9%D9%91%D9%85/">کالی کا رقص
– کرگٹّم</a>

مترجم: محمد قمر
تبریز

کالی کا رقص – اوئیلاتم

नर्तक काली और ओयिलट्टम

Kali dances - Oyilaatam

காளியின் நடனங்கள் - ஒயிலாட்டம்

screen_shot_2014-07-22_at_5.09.37_pm.png

پکی ہوئی مٹی

मिट्टी के लाल घोड़े

Baked earth

ପୋଡାମାଟି

Panchmura

image002.jpg

گجرات کے جوناگڑھ ضلع کے منگرول بلاک میں واقع
زری واڑہ گاؤں میں کچھ لوگ ’جگاڑ‘ سے بنائی گئی ’چھکڑا‘ گاڑی کی سواری کر رہے ہیں
اور اس کے تیز شور کے باوجود سفر کا مزہ لے رہے ہیں۔ یہ گاڑی آپ کو سوراشٹر کے
دیہی علاقوں یا گجرات کے کچھّ خطہ میں ہر جگہ دیکھنے کو مل جائے گی۔ چونکہ اس سے
سفر کرنا کافی سستا ہے، اس لیے ریاست کے دیہی علاقوں میں رہنے والے لوگوں کے لیے
یہ گاڑی ان کی سماجی و معاشی زندگی کا ایک ناگزیر حصہ بن چکی ہے۔

مترجم: محمد قمر
تبریز

Choose a category of interest